Өнөөдөр гадаа 23 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 221 дахь өдөр бөгөөд он дуусахад 145 хоног үлдлээ.
- Цаг агаар өдөртөө 23 хэмийн дулаан бол шөнөдөө 15 градус дулаан байх нь ээ.
- Билгийн тооллын 4, Харцага одтой, хөх луу өдөр. Өдрийн наран мандах, жаргах цаг нь 5:38-20:17. Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.
- Валют арилжааны төвд ам.долларын авах ханш 3387.00 төгрөг, зарах нь 3393.00 төгрөг байна. Харин рублийн авах ханш 37.00, зарах ханш 38.80, юанийн авах ханш 462.00, зарах ханш 468.20, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 10.30 цагт: Тавантолгой дахь Зэвсэгт хүчний сургалтын төвд: Энхийг дэмжих “Хааны эрэлд-2024” олон улсын сургуулийн хаалтын ажиллагаа болно. Утас: 8510-0098, 9979-5099, 8912-5099.
- 11.00 цагт: Хот байгуулалт, барилга, орон сууцжуулалтын яам, Нийслэлийн хяналт шалгалтын газраас цементийн чанарыг шалгаж, барилгын материалын 44-ийн зах буюу газар дээр нь мэдээлэл өгнө. Утас: 9507-1740, 9999-4426.
- 11.30 цагт: "ЗМ"-ний мэдээллийн төвд: Хан-Уул дүүргийн иргэдийн амь нас, эрүүл мэнд, аюулгүй байдалд нөлөөлж буй зэвтэй ус бохир шугамын талаар иргэд мэдээлэл хийнэ.
- 14.00 цагт: “Монголын Үнэн” сонины байранд: БНСУ-д болох “Хүүхдийн загварын 7 хоног”-ийн талаар Нийслэлийн хүүхэд, гэр бүлийн хөгжил, хамгааллын газар, “Бяцхан мисс” олон улсын хүүхдийн байгууллагаас мэдээлнэ. Утас: 9919-5752.
- -Цахим спортын "Counter Strike" төрлийн томоохонд орох "IEM Cologne" тэмцээн Германы Кёльн хотод болж байна. Тэмцээнд Азийн чансааг тэргүүлэгч Монголын "The MongolZ" өрсөлдөж байна.
Энэ өдөр дэлхийн түүхэнд:
- Энэ өдөр "Аавуудын өдөр" энэхүү баярыг 1910 онд АНУ-ын Вашингтон мужийн Додд хэмээх охин аавдаа зориулан бий болгосон. Энэ өдрийг манай улс 2005 оноос албан ёсны баярын өдөр болгон тэмдэглэн өнгөрүүлдэг болсон.
- blackpink хамтлагийн ойн өдөр 2016
