Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 204 дахь өдөр бөгөөд он дуусахад 162 хоног үлдлээ.
- Цаг агаар өдөртөө 20 хэмийн дулаан бол шөнөдөө 13 градус дулаан байх нь ээ.
- Билгийн тооллын 13, Гар одтой, хөх бич өдөр. Өдрийн наран мандах, жаргах цаг нь 5:13-20:44. Тухайн өдөр хулгана, луу жилтнээ аливаа үйлийг хийхэд эерэг сайн ба бар, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Валют арилжааны төвд ам.долларын авах ханш 3387.00 төгрөг, зарах нь 3395.00 төгрөг байна. Харин рублийн авах ханш 38.10, зарах ханш 38.40, юанийн авах ханш 467.00, зарах ханш 468.80, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
-Тарваган тахлаас урьдчилан сэргийлэх вакцинжуулалт үргэлжилж байна.
-Морин хуурын олон улсын VII наадам Өмнөговь аймагт дуусаж, шалгаруулалтын дүнгээ гаргана.
-Чөлөөт нисэх загварын Ази-Номхон далайн орнуудын аварга шалгаруулах тэмцээн эхэлнэ.
Энэ өдөр дэлхийн түүхэнд:
- 1246 онд- италийн аялагч, францисканы ламтан Жованни да Плано Карпини европчуудаас анх Их Монгол Улсын нийслэл Хархоринд хүрч байжээ.
- 1894 онд Францад "Le Petit Journal" сонин автомашины уралдаан зохион байгуулжээ. Парис-Руан чиглэлд болсон энэхүү 102 оролцогтой уралдааны урт нь 126 км байжээ.
- 1944 онд -Олон улсын Валютын сан байгуулагдсан.
