Өнөөдөр гадаа 29 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 191 дэх өдөр бөгөөд он дуусахад 175 хоног үлдлээ.
- Цаг агаар өдөртөө 29 хэмийн дулаан бол шөнөдөө 15 градус дулаан байх нь ээ.
- Билгийн тооллын давхарласан 3, Их морь одтой, хөх нохой өдөр. Өдрийн наран мандах, жаргах цаг нь 5:03-20:52. Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно. Тэрсүүд өдөр.
- Валют арилжааны төвд ам.долларын авах ханш 3388.00 төгрөг, зарах нь 3394.00 төгрөг байна. Харин рублийн авах ханш 38.20, зарах ханш 38.60, юанийн авах ханш 466.50, зарах ханш 469.00, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- Монгол Улсын Ерөнхийлөгч У.Хүрэлсүхийн урилгаар Бутаны Хаант Улсын Цог Жавхлант Хаан Жигмэ Гэсэр Намжил Ванчук Монгол Улсад төрийн айлчлал хийж байна.
- “Монголын эдийн засгийн чуулган” “Go Mongolia” уриан дор хоёр дахь өдрөө үргэлжилнэ.
- "Дээлтэй Монгол" наадам Д.Сүхбаатарын талбайд болно.
- Дорноговь аймгийн Даланжаргалан болон Сайхандулаан сумын 100 жилийн ой болно.
- Хөвсгөл аймаг байгуулагдсаны 93 жилийн ойн баяр наадам болно.
- Говь-Алтай аймагт Хантайшир уулын аймаг байгуулсны 101 жил, Говь-Алтай аймгийн баяр наадам болно.
- Баян-Өлгий-Говь-Алтай-Баянхонгор-Дундговь-Улаанбаатар хотод “Торгоны зам-2024” олон улсын авторалли уралдаан болно.
Энэ өдөр дэлхийн түүхэнд:
- 1875 он - Османы ноёрхлын эсрэг Герцеговинагийн бослого эхэлж, 1878 он хүртэл үргэлжилсэн.
- 1893 - Америкийн зүрхний мэс засалч Даниел Хэйл Уильямс АНУ-д анхны зүрхний нээлттэй мэс заслыг мэдээ алдуулалтгүйгээр амжилттай хийжээ.
- 1896 - Уильям Женнингс Брайан Чикагод болсон 1896 оны Ардчилсан намын үндэсний чуулган дээр биметаллизмыг сурталчилсан Алтан загалмайн тухай илтгэл тавьжээ.
- 1900 он - Австралийн холбоонд хааны зөвшөөрөл олгов.
- 1900 он - Хойд Хятадын Шаньси мужийн захирагч 45 гадаадын Христийн шашны номлогч, орон нутгийн сүмийн гишүүд, тэр дундаа хүүхдүүдийг цаазлахыг тушаажээ.
