Төрийн жинхэнэ албаны ерөнхий шалгалтыг улиралд нэгээс доошгүй удаа зохион байгуулахаар хуульчилсан. Үүний дагуу энэ онд дөрвөн удаа шалгалт авах хуваарь гаргажээ. Хуваарь ёсоор 2024 оны эхний улирлын шалгалтын цахим бүртгэлийг өчигдрөөс эхлүүллээ. Энэ сарын 29-ний 09.00 цаг хүртэл Төрийн албаны зөвлөлийн цахим хуудсаар дамжуулан бүртгэлийг үргэлжүүлэх нь. Уг шалгалтад оролцогчдод зориулсан “Төрийн албаны ерөнхий шалгалтын сорил, даалгавар” хэмээх цахим номыг Төрийн албаны зөвлөлөөс боловсруулж, сайтдаа байршуулсан байна. Шалгалтыг энэхүү номын хүрээнд авах гэнэ.
Бэлтгсэн Б.Энхзаяа
