Гадаад харилцааны сайд Б.Батцэцэг Монгол Улсаас БНСУ-ын Канвон, Кёнги мужид суух Өргөмжит консулаар томилогдож буй Ан Гён Му үүрэгт ажилдаа албан ёсоор орж байгаатай нь холбогдуулан уулзалт хийжээ.
Уулзалтын үеэр Гадаад харилцааны сайд Б.Батцэцэг “Монгол Улс, БНСУ-ын харилцаа, хамтын ажиллагаа “Стратегийн түншлэл”-ийн өндөр түвшинд өргөжин хөгжиж, иргэдийн солилцоо эрчимтэй өрнөж байгааг тэмдэглээд хоёр улсын харилцааг улам гүнзгийрүүлэн хөгжүүлэх, аялал жуулчлал, соёл урлаг, боловсрол зэрэг олон салбарт хамтын ажиллагааг эрчимжүүлэхэд Өргөмжит консул Ан Гён Му хичээл зүтгэл гарган ажиллана гэдэгт итгэлтэй байгаа”-гаа илэрхийлэв.
Өргөмжит консул Ан Гён Му хоёр улсын харилцаа, хамтын ажиллагааг улам бүр өргөжүүлэн тэлэх, БНСУ-д оршин суугаа Монгол иргэдийн эрх ашгийг хамгаалах чиглэлээр идэвх санаачилгатай ажиллахаа илэрхийллээ.
