Риогийн олимпийн сүүлийн өдөр эрэгтэйчүүдийн 65 кг-д хүрэл медалийн төлөө барилдаж, харамсалтайгаар ялагдсан Г.Мандахнарангын барилдааныг шудрага бус болсон хэмээн эсэргүүцэж, манай дасгалжуулагчид дэвжээн дээр хувцсаа тайлж, нэг хэсэгтээ л их спортын ярианы сэдэв болсон билээ.
Тэгвэл Монголын чөлөөт бөхийн холбооны тэргүүн Д.Дагвадорж Дэлхийн бөхийн холбооноос манай шигшээ багийн тамирчдын олон улсын тэмцээнд оролцох эрхийг нь тодорхойгүй хугацаагаар хассан болохыг өөрийн жиргээний хуудсаар дамжуулан мэдэгджээ.
UWW kalendarchiliin olon ulsiin temtseend mgliin bag bureldehuunuudiig hizgaargyi hugtsaagaar hasah shiidver irsen bh shig bn......
— Asashoryu 第68代横綱朝青龍 (@Asashoryu) August 26, 2016
Zahia irsen bh shig bn
— Asashoryu 第68代横綱朝青龍 (@Asashoryu) August 26, 2016
Usvur zaluuchuud nasand huregchid master buh tamirchidiig
— Asashoryu 第68代横綱朝青龍 (@Asashoryu) August 26, 2016
Одоогоор хэдий хүртэл эрхийг нь хассан талаар албан ёсны мэдээлэл гараагүй байна. Хэрвээ дээрх мэдээлэл бодитой бол ирэх онд ДАШТ-д оролцох манай тамирчдын ирээдүй бүрхэг боллоо.
Сонирхуулахад, чөлөөт бөхийн ДАШТ-ийг ирэх онд Унгарын Будапешт хотод 12 сарын 10-11-нд зохион байгуулах бол 2017 оных Францын Парист болох тов гарсан билээ.
Одоогоор Дэлхийн бөхийн нэгдсэн холбооноос албан ёсоор мэдээлэл хийгээгүй байна.
