Цэцэрлэг-Тосонцэнгэл чиглэлийн замд байрлах Тэрхийн голын гүүрэнд эвдрэл гарч, уг замыг хаагаад буй. Тэгвэл түр буюу хөвдөг гүүр байрлуулах асуудал шийдвэрлэгдэж, өчигдөр Хялганатын цэргийн ангиас Архангай аймгийн Тариат сум руу тээвэрлэхээр гарчээ.
Түр гүүрийг байрлуулахад 4-5 хоногийн хугацаа зарцуулах тул одоогоор Увс, Завхан чиглэлийг зорьж буй тээврийн жолооч, зорчигчдыг урдуураа Баянхонгор, Говь-Алтай болон хойгуураа Хөвсгөл аймгийн замаар тойрч явахыг анхааруулж байна.
Түр гүүр тавигдах хүртэл тээврийн хэрэгслийн хөдөлгөөнийг зогсоосон тул хот хоорондын нийтийн зорчигч тээврийн автобус гүүрний хоёр талаас зорчигчдыг шилжүүлэн суулгаж богино рейсээр тээвэрлэлт хийж байна.
