Өнөөдрийн тухай таны мэдэх ёстой 16 зүйл: Цэргийн госпиталын шинэ цогцолборын нээлт болно

7 дугаар сарын 5-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 186 дахь өдөр бөгөөд он дуустал 179 хоног үлдлээ.
2. Цаг агаар өдөртөө +30 хэмийн дулаан бол шөнөдөө +18 градус дулаан байх нь ээ. Мөн өдөртөө түр зуурын бороо орох юм байна.
3. Билгийн тооллын 1, нэг цагаан мэнгэтэй шар хулгана өдөр. Өнөөдөр үсээ авахуулах буюу засуулбал нас ахар болох гэнэ. Энэ өдөр луу жилтнээ аливаа үйлийг хийхэд эерэг сайн бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2015.00 төгрөгтэй тэнцэж байгаа бол бусад валют болох рубль 33.00, юань 305.00, вон 1.74 төгрөг байна.

Өнөөдөр болох онцлох үйл явдлууд: 

1. АСЕМ-ын Дээд түвшний 11 дүгээр уулзалтын дагалдах хурлуудын нэг болох “АСЕМ-ын Загвар чуулган 2016”-ын уулзалтын бэлтгэл ажил, зохион байгуулалт, хэлэлцэх асуудлуудын талаар 12.00 цагт зохион байгуулагч ГХЯ, Монголын залуучуудын холбооноос мэдээлэл өгнө. 
2. Үндэсний их баяр наадмын Хурдан морины салбар хороо хэвлэлийн бага хурал зарлалаа. Хурал Батлан хамгаалах яаманд 11.00 цагаас болно.
3. Эрдэнэт үйлдвэр/ГОК/-ийн хувьчлалын асуудлаар ҮЭ-ийн холбооныхон хэвлэлийн бага хурал зарлаж байна. Хэвлэлийн бага хурал 12.00 цагт МҮЭХ-ны байранд болно.
4. Багшийн хөгжлийн ордонд Калифорниагийн Их сургуулийн Майк Курб коллежийн хөгжмийн боловсролын профессор Dr. John Lee Whitener, Багшийн мэргэжил дээшлүүлэх институтийн урилгаар Монгол улсад хүрэлцэн ирж, “АНУ-н ЕБС-н хөгжмийн боловсрол” сэдэвт сургалтыг зохион байгуулна.
5. Цэргийн госпитал буюу Батлан хамгаалах хууль сахиулах алба хаагчдын нэгдсэн эмнэлэг шинэ цогцолбор барилгадаа шинэ тоног төхөөрөмжтэйгээр үйл ажиллагаагаа явуулж эхэллээ. Цогцолборын нээлт Госпиталын ард 10.00 цагт болно. 
6. 14.00 цагт Гадаад хэргийн яамны "Мэдээллийн цаг" хурал болно. Гадаад хэргийн сайд Л.Пүрэвсүрэн хуралд оролцож цаг үеийн чухал асуудлуудаар мэдээлэл өгөх юм.

Энэ өдөр дэлхийн түүхэнд: 

1. Өнөөдөр бол Алжир улсын Тусгаар тогтносон өдөр.
2. Мөн өнөөдөр Армен улсын Үндсэн хуулийн өдөр тохиож байгаа юм байна.
3. 1989 оны энэ өдөр Америкийн дуучин, гитарчин, ая зохиогч Joseph King мэндэлжээ.
4. 2012 онд Европын хамгийн өндөр барилга болох Лондонгийн 310 метр өндөр "The Shard"  нээгджээ.
5. 2006 онд Хойд Солонгос дөрөв дэх богино хугацааны пуужингаа туршжээ.
6. 2004 онд Индонезийн ерөнхийлөгчийн анхны сонгууль явагджээ.