Өнөөдрийн тухай таны мэдэх ёстой 17 зүйл: 1072 хувьцаатай холбоотой Засгийн газрын шийдвэрийг эсэргүүцлээ

6 дугаар сарын 16-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 167 дахь өдөр бөгөөд он дуустал 198 хоног үлдлээ.
2. Цаг агаар өдөртөө +20 хэмийн дулаан бол шөнөдөө +10 градус дулаан байх нь ээ. Мөн шөнөдөө бага зэргийн бороо орох юм байна.
3. Билгийн тооллын 11, хоёр хар мэнгэтэй шарагчин могой өдөр. Өнөөдөр үсээ авахуулах буюу засуулбал эрхтэн хурц болох гэнэ. Энэ өдөр тахиа жилтнээ аливаа үйлийг хийхэд эерэг сайн үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 1969.00 төгрөгтэй тэнцэж байгаа бол бусад валют болох рубль 30.50, юань 298.80, вон 1.68 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.00 цагаас Иргэний зориг-Ногоон намаас Эрдэнэс тавантолгойн 1072 ширхэг хувьцаатай холбоотой Засгийн газрын шийдвэрийг эсэргүүцэж, Сонгуулийн хууль зөрчсөн хэмээн үзэж шүүхэд хандах талаараа мэдээлэл хийнэ.
2. Гэр хорооллын дахин төлөвлөлт "Эко яармаг 1" төслийн хүрээнд "Буянт-Ухаа 2" хороололд орох иргэдийн түлхүүр гардуулах ёслол 14.00 цагт ХУД-ийн 4-р хорооны гаднах талбайд болно.
3. АСЕМ-ын дагалдах хурлуудын нэг болох Ази-Европын Хүнсний аюулгүй байдлын зөвлөлдөх уулзалт 6-р сарын 20-21-нд Улаанбаатарт болно. Үүний хэвлэлийн бага хурал 12.00 цагт МОНЦАМЭ агентлагийн байран дахь АСЕМ-ын мэдээллийн төвд болно. 
4. 09.30 цагаас Зүүн Хойд Азийн аюулгүй байдлын талаарх “Улаанбаатарын яриа хэлэлцээ” олон улсын III  бага хурал эхэлнэ. 
5. АШУҮИС-ийн Монгол анагаах ухааны олон улсын сургуулиас зохион байгуулж буй “Уламжлалт анагаах ухаан, эмчилгээний шилдэг аргууд” сэдэвт олон улсын эрдэм шинжилгээний 5-р хурал 09.30 цагт ЭМСЯ-ны Б зааланд эхлэх гэж байна. 
6. Гааль, татварын ерөнхий газрын дэргэдэх “Дуудлагын төв”-ийн үйл ажиллагаа 11.40 цагаас Нийслэлийн татварын газрын байранд албан ёсоор нээгдэнэ. 
7. 70 мянга авдаг оюутнууд 7 сая төгрөгийн үнэтэй тоног төхөөрөмжийг 11.00 цагт 2 дугаар төрөх эмнэлэгт гардуулна.
8. Монголын Урлагийн Зөвлөл (МУЗ)-өөс санаачлан зохион байгуулж буй‪ Улаанбаатар Олон Улсын Медиа Урлагийн Наадмын хүрээнд Урлагтай яриа цуврал уулзалтыг зохион байгуулж байна. 15.00 цагаас Занабазарын музейд Францын уран бүтээлч Диень Рабро оролцож, “Монгол” төслийн танилцуулгыг хийх болно.
9. "Mini Garden" тасалгааны ширээг чимэх зориулалттайамьд цэцгийн үзэсгэлэн 6 сарын 15-21-ний хооронд үргэлжилнэ.
10. Интерном номын дэлгүүрт 12.30 цагаас Менежментийн цуврал номын нээлт болно

Энэ өдөр дэлхийн түүхэнд: 

1. Өнөөдөр Өмнөд Африкийн Залуучуудын өдөр тохиож байна.
2. Мөн Африкийн Хүүхдийн олон улсын өдөр өнөөдөр тохиож байгаа юм байна.
3. 2012 онд БНХАУ 3 сансрын нисгэгчтэй Shenzhou 9 сансрын хөлгийг амжилттай хөөргөжээ. Сансрын нисгэгч дунд Хятадын хамгийн анхны эмэгтэй сансрын нисгэгч хөөрсөн байна.