Өнөөдрийн тухай таны мэдэх ёстой 21 зүйл: Хөгжлийн бэрхшээлтэй иргэдийн Борлуулалтын төв нээгдэнэ

6 дугаар сарын 7-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 161 дахь өдөр бөгөөд он дуустал 204 хоног үлдлээ.
2. Цаг агаар өдөртөө +18 хэмийн дулаан бол шөнөдөө +5 градус дулаан байх нь ээ.
3. Билгийн тооллын 6, найман цагаан мэнгэтэй харагчин гахай өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр хонь жилтнээ аливаа үйлийг хийхэд эерэг сайн бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 1982.00 төгрөгтэй тэнцэж байгаа бол бусад валют болох рубль 31.50, юань 302.50, вон 1.71 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.00 цагаас Улаанбаатар цахилгаан түгээх сүлжээ, Цахилгаан дулааны үндэсний сүлжээ ТӨХК-ийн ажилчдын 300 айлын орон сууцны асуудлаар “Баярсконстракшн” ХХК-иас мэдээлэл хийнэ. 
2. MN-Мэдээллийн төвд 12.30 цагаас Иргэн М.Батлхагва хэвлэлийнхэнд хандлаа. Тэрээр Цагдаагийн газрын тодорхойлолт авахаар хүсэлт гаргасан боловч шалтгаангүйгээр 10 хоног хүлээлгэсэн нь УИХ-ын Сонгуулийн 74 дүгээр тойрогт бие даан нэр дэвших эрхгүй болгожээ. 
3. MN-Мэдээллийн төвд 13.00 цагаас УИХ дахь эмэгтэй гишүүдийн бүлгээс ажлын тайлангаа танилцуулна.
4. "Монголчуудын өв соёл, Монгол нум-3000 жил" үзэсгэлэнгийн нээлт Монголын Үндэсний Музейд болно.
5. 10.00 -11.00 цагийн хооронд Хөдөлмөр эрхлэлтийн үйлчилгээ судалгаа мэдээллийн үндэсний төвийн 3 дугаар давхарт улсын хэмжээнд анх удаа аймаг, дүүргийн 30 Хөдөлмөрийн хэлтэстэйгээ цахимаар шууд холбогдож онлайн хурал хийх гэж байна. 
6. Дэнжийн 1000-д "Нарантуул-2" захад 12.00 цагт хувиараа хөдөлмөр эрхлэгчид болон хөгжлийн бэрхшээлтэй иргэдийн үйлдвэрлэсэн бүтээгдэхүүнийг худалдах Борлуулалтын төвийг нээнэ. 
7. 09.30 цагт Премиум Палас зочид буудалд олон улсын дугуй ширээний ярилцлага "BIM - Барилгын мэдээлэлтэй загварчлал нийгмийн хөгжилд түлхэц болох нь" сэдвээр Монгол, Япон, Солонгос, Тайван, Филиппин зэрэг 5 орны орлцоотой явагдах гэж байна. 
8. 10.00 цагт "Пума-Империал" зочид буудалд "Гэрч, хохирогчийг хамгаалах тогтолцоо, түүний эрх зүйн орчинг боловсронгуй болгох нь" сэдэвт хэлэлцүүлэг болно.
9. 15.00 цагт НЗДТГ-ын А зааланд Гэр хорооллын дахин төлөвлөлтийн төслийн удирдах хорооны хуралтай.
10. 10.00 цагт МХЕГ-ын “Ажилтны баяр”- ын хурал Соёлын төв өргөөнд болно.
11. 11.40 цагт “Авто худалдааны цогцолбор”-т Авто Тээврийн Үндэсний Төвийн нэг цэгийн үйлчилгээний шинэ салбар нээлтээ хийнэ.
12. 11.00 цагаас Хэвлэлийн Хүрээлэнд: Өндөр насны тэтгэвэр авагч иргэний нас барсны болон дараа сарын тэтгэвэр, оршуулгын тэтгэмж олголтод хийсэн ЦЕГ, МХЕГ, Үндэсний Аудитын газрын хяналт, шалгалтын дүнг ХАХНХ-ын сайд, НДЕГ-ын дарга, Хяналт шинжилгээ, үнэлгээний газрын дарга нар танилцуулна.
13. Корпорайт-3 олон улсын хурлын танхимд 09.00 - 18.30 цагийн хооронд 2016 оны олон улсын эрдэм шинжилгээний хурал болно.

Энэ өдөр дэлхийн түүхэнд: 

1. Өнөөдөр Итали улсын Усан цэргийнхний баярын өдөр тохиож байна.
2. Америкийн алдарт Wicked хөгжимт жүжиг гарч эхэллээ.
3. 2001 онд II пап лам Ливан улсын анхны эмэгтэй санваартныг адислажээ.
4. 1967 онд Америкийн Сант Луйс мужийн алдарт гүүр Арк-ийн гүүр нээгджээ.