“Улаанбаатар-2023” Зүүн Азийн залуучуудын наадам Улаанбаатар хотноо энэ сарын 16-23-ны өдрүүдэд зохион байгуулагдаж байна.
Энэхүү наадмын спортын төрлүүд зохион байгуулагдаж байгаа объектуудад нийслэлийн Онцгой байдлын газраас аюулгүй байдлыг нь ханган алба хаагчид хамгаалалтад үүрэг гүйцэтгэж байна.
Спортын 12 төрлөөр зохион байгуулагдаж байгаа тус наадамд 11 орны 808 тамирчин, 226 дасгалжуулагч, Азийн спортын холбоодын техникийн зөвлөл болон шүүгчдийн 123 төлөөлөгч, дотоодын 191 шүүгч, техникийн ажилтан, сайн дурынхан зэрэг 2600 гаруй төлөөлөл оролцож байна. Тэмцээний нээлтийн ажиллагаа өнөөдөр 20.23 цагт Төв цэнгэлдэх хүрээлэнд зохион байгуулагдана.
