УОК цаг үеийн асуудлаар хуралдаж, гаргасан шийдвэрийг тус газрын нарийн бичгийн дарга Т.Баярхүү мэдээллээ. Тодруулбал, тэрбээр
"Хөл хорио, хязгаарлалт тогтоох шийдвэр гараагүй. Омикрон хувилбар хурдацтай тархаж буй тул албан байгууллагууд ажилтнуудаа цахимаар ажиллуулахыг зөвлөж байна. Тухайн байгууллагад коронавирусийн шинэ хувилбар тархвал хүний нөөцийн дутагдал үүсэх магадлалтай.
Цагаан сарын үеэр халдварын оргил үе таарч байна. Тиймээс улсын байгууллагуудад нэгдсэн золголт хийхгүй байх, гэр бүлийн хүрээнд цомхон тэмдэглэхийг мэргэжлийн байгууллагуудаас зөвлөж байна" гэв.
Өнөөдрийн байдлаар омикрон вирусийн халдварын тархалт нэмэгдэхтэй холбогдуулан эмнэлгийн 4000 ор бэлдсэн. Цаашид 1200 ор бэлдэхээр төлөвлөж буй гэнэ.
