Тавдугаар сарын 07-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 128 дахь өдөр бөгөөд он дуусахад 238 хоног үлдлээ.
- Цаг агаар өдөртөө 30 хэмийн дулаан бол шөнөдөө 5 хэмийн дулаан байх нь ээ.
- Билгийн тооллын 29, Гоё хүүхэн одтой, цагаагчин хонь өдөр. Өдрийн наран мандах, жаргах цаг нь 5:24-20:13. Тухайн өдөр гахай, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3388.00 төгрөг, зарах нь 3394.00 төгрөг байна. Харин рублийн авах ханш 36.00, зарах ханш 36.30, юанийн авах ханш 473.00, зарах ханш 475.00, вонийн авах ханш 2.49, зарах ханш 2.51 төгрөг байна.
Өнөөдөр болох онцлох үйл явдлууд:
- 09.00-14.00 цагт: “Туушин” зочид буудалд: ЮНЕСКО-ийн “Дэлхийн дурсамж” хөтөлбөрийн Ази Номхон далайн бүсийн хорооны 10 дугаар ерөнхий чуулганыг Соёлын яамнаас зохион байгуулна.
11.30 цагт: СЕХ сонгуулийн саналын хуудас болон цаг үеийн асуудлаар мэдээлнэ.
“ЗМ”-ний мэдээллийн төвд:
- 11.00 цагт: Монгол Улсын Ерөнхийлөгчийн Тамгын газар, ДХИС-аас Ерөнхийлөгчийн нэрэмжит СОНСОГЧИЙН АЛДАР ГАРДАН ТУЛААНЫ талаар мэдээлнэ.
- 11.30 цагт: Байгаль орчны ТББ-ууд мэдээлэл хийнэ. Утас:8872-4869.
- 15.00 цагт: ОХУ-ын ЭСЯ-нд: 2009 оноос зохион байгуулж буй олон улсын "Торгоны зам" авто ралли уралдааныг 2024 онд Монгол-Орос хоёр улсын Засгийн газар өргөтгөссөн маршрутаар хамтран зохион байгуулах талаар мэдээлнэ.
- 15.00 цагт: Монголын Хүүхдийн ордонд: “Хүүхэд хүмүүжлийн эерэг аргууд” сургалт, уулзалттай.
Энэ өдөр дэлхийн түүхэнд:
- 1994 - Нэрт зураач Эдвард Мюнкын "Хашхираан" зургийг нэг ч хохиролгүй олжээ. Уг зургийг хэд хоногийн өмнө Норвегийн уран зургийн галлерейгаас хулгайлаад байсан юм.
- 1997 - “Intel” компани микропроцессор Pentium II-ыг албан ёсоор танилцууллаа.
- 1998 - Автомашины алдарт Мерседес-Бенз компани Крайслер компанийг 40 сая ам.доллараар худалдан авав. Автомашины салбар дахь хамгийн том хэлцэл энэ болсон билээ.
- 1999 - Ромын пап II Йоан Павел Румынь улсад 1054 оноос хойш айлчилсан анхны пап болов.
- Косовогийн дайн: Сербийн нийслэл Белград хотод явуулсан цэргийн ажиллагааны улмаас Хятадын элчин сайдын яамны гурван ажилтан амиа алдаж, 20 гаруй хүн шархаджээ.
- Гвиней-Биссау улсад төрийн эргэлт болов.
- 2000 - ОХУ-ын Ерөнхийлөгчөөр сонгогдсон Владимир Путин албан ёсоор тангараг өргөжээ.
- 2002 - Умард Хятадын агаарын тээврийн "МД-82" хөлөг Шар тэнгист осолдож, хөлгийн багийн 112 хүн бүгд амиа алдав.
- 2003 - Дэлхийн оршин суугчдад одон орны ховорхон үзэгдлийг харах боломж тохиов. Буд гараг Нар, Дэлхий хоёрын хоорондуур ороод өнгөрчээ.
- 2004 - Америкийн бизнесмен Ник Берг Исламын дайчдын гарт амиа алдав. Түүнийг цаазалж буй бичлэгийг яргачид интернет орчинд цацсан нь олныг сэртхийлгэсэн юм.
- 2007 - Израйлийн археологчид Йерсусалем хотын өмнөд хэсгээр Аугаа Герод хааны бунханг илрүүлжээ.
