Өнөөдөр гадаа 10 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 109 дахь өдөр бөгөөд он дуусахад 257 хоног үлдлээ.
- Цаг агаар өдөртөө 10 хэмийн дулаан бол шөнөдөө 8 градус хүйтэн байх нь ээ.
- Билгийн тооллын 10, Их морь одтой, хар хулгана өдөр. Өдрийн наран мандах, жаргах цаг нь 5:57-19:46. Тухайн өдөр бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, угаал үйлдэх, хүүхэд үрчлэн авах, улааны үйл, хур оруулах, дархны үйлд сайн. Төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Балжинням өдөр. Үс шинээр үргээлгэх буюу засуулбал эрч, хүч ихсэнэ.
- Валют арилжааны төвд ам.долларын авах ханш 3382.00 төгрөг, зарах нь 3387.00 төгрөг байна. Харин рублийн авах ханш 35.60, зарах ханш 36.10, юанийн авах ханш 467.60, зарах ханш 468.50, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 10.00 цагт Гаалийн байгууллагаас улс хоорондын шуудан илгээмж, карго ачаа барааны хяналт шалгалт, гаалийн хяналтын бүсийн нээлттэй хаалганы өдөрлөгийг Буянт-Ухаа дахь DHL гаалийн хяналтын бүсэд зохион байгуулна. Сэтгүүлчдийн унаа 09.00 цагт Төв шуудангаас хөдөлнө. Утас: 9914-5985, 999-95740.
- 11.00-13.00 цагт БГД-ийн гэр бүл, эмэгтэйчүүүдийн эмнэлэгт: ”Өсвөр насныхны нөхөн үржихүйн эрүүл мэндийн тулгамдсан асуудал” танилцах тур уулзалт болно.
- 12.00-14.00 цагт “Интерном”-д: Инженер Ж.Золжаргалын “Инженерийн 10 шийдэл” номын нээлт болно.
“Монгол ньюс” мэдээллийн төвд:
4. 14.00 цагт Монголын эм зүйн байгууллагуудын нэгдсэн холбоо, эм зүйн салбарын мэргэжилтнүүд “Сонсголоор сонсогдоогүй үнэнийг ярьцгаая” асуудлаар хэвлэлийн хурал зарлалаа.
5. 14.30 цагт Үндсэн хууль, Төрийн болон орон нутгийн өмчийн хууль, Хөрөнгө оруулалтын тухай хуулийн хэд хэдэн заалтыг өөрчлөхөд бүх нийтийн санал асуулга явуулах талаараа иргэн С.Чойжилжав мэдээлэл хийнэ.
Энэ өдөр дэлхийн түүхэнд:
- 1025 - Польшийн хаант улсын эцэг гэгдэх анхны хаан Болеслав Хробрий хаан ширээнд суужээ.
- 1232 - Испанийн Архона тосгон тусгаар тогтнож байгаагаа зарлав. Тосгоны захирах Мухаммад Ибн Юсуф хожим нь Гранадын Насридын Эмирт улсын эгнээнд нэгдсэн юм.
- 1506 - Гэгээн Петер Василикийн ордоны шавыг тавьжээ.
- 1521 - Германы шашны зүтгэлтэн, шинэчлэгч Мартин Лютерын шүүх ажиллагаа хоёр дахь өдрөө үргэлжлэв. Тэрээр шашны хичээл заахдаа өмнөхөө үгүйсгэн шинэчлэлд уриалан дуудсан гэсэн үндэслэлээр шүүгдсэн билээ.
- 1689 - Бостон хотод суурьшсан Британи иргэд Бостоны колонийн захирагч Сир Эдмунд Андросын эсрэг бослого дэгдээв.
- 1738 - Испанийн эзэн хааны дэргэдэх Түүхийн ухааны академи Мадрид хотноо байгуулагджээ.
- 1775 - Америкийн хувьсгал: Америкийн колони даяар дэгдэж, эрчийг авах болсон тусгаар тогтнолын хөдөлгөөнийг дарах зорилгоор Их Британийн усан цэргүүд эрэг орчмын бүсийг хамгаалалтад авав.
- 1831 - АНУ-ын Алабама мужийн Тускалүүза хотод Алабама мужийн их сургууль байгуулагджээ.
