Есдүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр жилийн 264 дахь өдөр юм. Мөн он дуустал 101 өдөр үлдэж байна.
- Цаг агаар өдөртөө 17 хэмийн дулаан бол шөнөдөө 5 градус дулаан байх нь ээ.
- Билгийн тооллын 6, Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, андгай тангараг, гэрээ, хэлцлээ буцаахад сайн. Гэр бүрэх, хэрүүл тэмцэл хийх, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.
- Манай улсын голлох валют болох ам.долларын авах ханш 3462.00 төгрөг, зарах нь 3467.00 төгрөг байна. Харин рублийн авах ханш 35.80, зарах ханш 36.30, юанийн авах ханш 478.00, зарах ханш 479.50, вонийн авах ханш 2.61, зарах ханш 2.63 төгрөг байна.
Өнөөдөр болох онцлох үйл явдлууд:
- 09.00 цагт ШУА-ийн төв байранд: Унгар улсад сэргээн засварласан Хүннүгийн үеийн дурсгал болох төмөр тогоог хүлээн авах ёслол болно. Утас: 9971-7977.
- 11.00 цагт Төв цэнгэлдэх хүрээлэнд: "Намрын ногоон өдрүүд" үзэсгэлэн худалдаа эхэлнэ
- -“ЗМ” сонины мэдээллийн төвд: 11.00 цагт: Иргэн Д.Мөнх-Эрдэнийн хэргийг Улсын дээд шүүхээр 9 дүгээр сарын 22-ны өдөр хэлэлцэхийг шаардаж АН-ын Хүний эрхийн хорооноос мэдээлэл өгнө.
- 11.30 цагт: “Төрдөө адлагдсан одонтой ээжүүд” сэдвээр ТҮЦ-ээр амь зуугчдын холбооноос мэдээлэл хийнэ.
Энэ өдөр дэлхийн түүхэнд:
- Өнөөдөр Олон улсын Энхтайвны өдөр тохиож байна.
- 1936 оны энэ өдөр Москва хотын захирагч Юрий Лужков мэндэлжээ.
- 1992 оны энэ өдөр БНСУ-ын алдарт хөвгүүдийн хамтлаг болох EXO хамтлагийн дуучин CHEN буюу Kim Jongdae мэндэлжээ.
- 1990 оны энэ өдөр Америкийн алдарт жүжигчин, "The Walking Dead", "The Twilight Saga: New Moon", "The Twilight Saga: Eclipse" зэрэг киногоороо алдаршсан Christian Serratos мэндэлжээ.
- 1976 онд Сейшелийн Арлуудын Бүгд Найрамдах Улс НҮБ-д нэгджээ.
- 1964 онд Мальт улс Их Британийн колониос гарч, тусгаар тогтнолоо тунхаглажээ.
