Өнөөдөр гадаа -1 градус хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дүгээр сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 312 дахь өдөр бөгөөд он дуусахад 53 хоног үлдлээ.
- Цаг агаар өдөртөө -1 хэмийн хүйтэн бол шөнөдөө -17 градус хүйтэн байх нь ээ.
- Билгийн тооллын 4, гар одтой цагаан бич өдөр. Өдрийн наран 7 цаг 48 минутад мандан, 17 цаг 24 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр эмнэлгийн элдэв үйл хийх, хагалгаа хийлгэх, биеийн тамирыг сэргээх, хараал жатгыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь болой. Хол газар яваар одогсод зүүн урагш мөрөө гаргавал зохистой. Өнөөдөр үсээ авахуулах буюу засуулбал бие эрхтний хүч сайжирна.
- "Уран ургач" валютын ханшны мэдээгээр доллар 2850.00 төгрөгтэй тэнцэж байгаа бол бусад валют болох рубль 40.00, юань 445.00, вон 2.39 төгрөг байна.
Өнөөдөр болох онцлох үйл явдал:
- 11.00. цагт Угаарын хийн хордлогын эрсдэлээс урьдчилан сэргийлэх аяны дүгнэлт, цаг үеийн мэдээллийн талаар Нийслэлийн Агаарын бохирдолтой тэмцэх газар, “Таван Толгой Түлш” компани, Цагдаагийн ерөнхий газар, Нийслэлийн Мэргэжлийн хяналтын газрын хамтарсан хэвлэлийн хурал болно.
- 12.00 цагт Ардчилсан намын Онц их хурлын үр дүн, цаашид авах арга хэмжээ, намын шинэ бүтэц бүрэлдэхүүн зэрэг асуудлаар мэдээлэл хийнэ.
Энэ өдөр дэлхийн түүхэнд:
- Өнөөдөр Радиологийн Олон улсын өдөр тохиож байна.
- Мөн өнөөдөр Интерсекс хүмүүсийн эрхийг хамгаалах өдөр тохиож байгаа юм байна.
- 1970 оны энэ өдөр Канадын жүжигчин Майкл Жэксон мэндэлжээ.
- 1986 оны энэ өдөр Зөвлөлт Холбоот Улсын улс төрч, хувьсгалч Вячеслав Молотов таалал төгсчээ.
- 2013 онд Филиппинд маш хүчтэй хар салхи дэгдэж, 6340 хүн амь насаа алдаж, 1000 орчим хүн сураггүй алга болж, 2.86 тэрбум ам.долларын хор уршиг учруулж байжээ.
