Өнөөдөр гадаа 3 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 02-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 306 дахь өдөр бөгөөд он дуусахад 59 хоног үлдлээ.
- Цаг агаар өдөртөө 3 хэмийн дулаан бол шөнөдөө 9 хэм хүйтэн байх нь ээ.
- Билгийн тооллын 27, тугчин одтой хөх бар өдөр. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын авшиг авах, шинэ гэр ба байр авах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, андгай тангараг, гэрээ хэлэлцээ буцаахад сайн. Золиг гаргах, бомбын үйл, сэтгэлд сэвтэй газар очиход, хүүхэд хөлд оруулахад муу. Үс шинээр үргээлгэх буюу засуулбал өлзийтэй сайн.
- “Уран уургач” валют арилжааны төвд ам.долларын авах ханш 2,849.00 төгрөг, зарах нь 2852.00 төгрөг байна. Харин рублийн авах ханш 40.50, зарах ханш 41.20, юанийн авах ханш 444.50, зарах ханш 446.00, вонийн авах ханш 2.39, зарах ханш 2.40 төгрөг байна.
Өнөөдөр болох онцлох үйл явдлууд:
- 9:30-14:30 цагийн хооронд ГХЯ-ны Зөвшилцөл танхимд “МОНГОЛ-ОРОСЫН ХАРИЛЦАА: ТҮҮХ, ОРЧИН ҮЕ БА ХЭТИЙН ТӨЛӨВ” сэдэвт эрдэм шинжилгээний хурал зохион байгуулна.
Төрийн ордонд
2. 10.00 цагт “Жанжин Д.Сүхбаатар” танхимд Хууль зүйн байнгын хороо хуралдана.
3. 11.00 цагт “Их Эзэн Чингис хаан” танхимд Нийгмийн бодлогын байнгын хороо хуралдана.
4. 11.30 цагт “Их Эзэн Чингис хаан” танхимд Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн биелэлтийг сар тутамд нээлттэйгээр хэлэлцэж, хяналт тавих шаардлагатай бол УИХ-ын холбогдох байнгын хорооны хуралдаанаар хэлэлцүүлэх, санал, дүгнэлт гаргах үүрэг бүхий Түр хороо хуралдана.
5. 12.00 цагт “Жанжин Д.Сүхбаатар” танхимд Төсвийн зарлагын хяналтын дэд хороо хуралдана.
6. 14.00 цагт “Их Эзэн Чингис хаан” танхимд Хүний эрхийн дэд хороо хуралдана.
7. 14.00 цагт “Их засаг” танхимд Тусгай хяналтын дэд хороо хуралдана.
Энэ өдөр дэлхийн түүхэнд:
- Өнөөдөр Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох өдөр юм байна.
- 1965 оны энэ өдөр Мороккын гүйлтийн тамирчин Саид Ауйта мэндэлжээ.
- 1965 оны энэ өдөр Энэтхэгийн алдарт жүжигчин Шахрух Хан мэндэлжээ.
- 1974 оны энэ өдөр Америкийн реппер Нелли мэндэлжээ.
- 1984 онд Америкийн цуврал алуурчин, 6 хүний амийг хороосон гэмт хэрэгтэн Margie Velma Barfield-г цаазалснаар Америкийн түүхэнд 1962 оноос хойш цаазлуулах ялаар шийтгэгдсэн анхны эмэгтэй болжээ.
