Өнөөдөр гадаа 9 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 305 дахь өдөр бөгөөд он дуусахад 60 хоног үлдлээ.
- Цаг агаар өдөртөө 9 хэмийн дулаан бол шөнөдөө -6 градус хүйтэн байх нь ээ.
- Билгийн тооллын 26, харцага одтой, харагчин үхэр өдөр. Өнөөдөр үсээ авахуулах буюу засуулбал жаргал үргэлжид ирнэ гэнэ. Энэ өдөр тахиа могой жилтнээ аливаа үйлийг хийхэд эерэг сайн байна.
- Валют арилжааны төвд ам.долларын авах ханш 2,849.00 төгрөг, зарах нь 2852.00 төгрөг байна. Харин рублийн авах ханш 40.70, зарах ханш 41.30, юанийн авах ханш 445.70, зарах ханш 445.00, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
- 10.00 цагт Монголын даатгалын холбоо, Монголын Даатгалын Зуучлагчдын Холбоо, Монголын Хохирол Үнэлэгчдийн холбоо, тэдгээрийн гишүүн компаниудын зүгээс "Автотээврийн хэрэгслийн эзэмшигчийн хариуцлагын даатгалын тухай хууль"-тай холбоотой Хэвлэлийн хурлыг UB Grand Зочид буудлын 2 давхарт зохион байгуулах гэж байна. Утас: 91118403
- 12.00 цагт Ф.М.Достоевскийн “Гэм зэм” романаас сэдэвлэсэн “Гэм зэм” постдрамын жүжгийн хэвлэлийн бага хурал Оросын шинжлэх ухаан, соёлын төв (РЦНК)-ийн тайзнаа болно.
Энэ өдөр дэлхийн түүхэнд:
- Өнөөдөр ЗХУ болон Украйн улсад Улс төрийн намуудын хохирогчдыг дурсгалыг хүндэтгэх өдөр тохиож байна.
- Мөн өнөөдөр Олон улсын ортопедийн эмч нарын баярын өдөр тохиож байгаа аж.
- 1984 оны энэ өдөр Америкийн алдарт жүжигчин, модел Eva Marcille мэндэлжээ.
- 1981 оны энэ өдөр АНУ-ын Ерөнхийлөгч Доналд Трампын том охин Иванка Трамп мэндэлжээ.
- 1987 онд Японд мэдээллийн технологийн NEC корпораци анхны 16 битийн видео тоглоомын консол болох "PC Engine"-ыг худалдаанд гаргажээ.
