Өнөөдөр гадаа 5 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 302 дахь өдөр бөгөөд он дуусахад 63 хоног үлдлээ.
- Цаг агаар өдөртөө 5 хэмийн дулаан бол шөнөдөө 13 хэм хүйтэн байх нь ээ.
- Билгийн тооллын давхарласан 23, Үнэг одтой цагаан нохой өдөр. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул аливаа үйлд хянамгай хандаж, биеэ энхрийлүүштэй. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх авах, үнэт эрдэний зүйл авах, лус тахих, хүүхэд үрчлэн авах, гэр байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Үс шинээр үргээлгэх буюу засуулбал эд, эдлэл, идээ, ундаа олдоно.
- “Уран уургач” валют арилжааны төвд ам.долларын авах ханш 2,850.00 төгрөг, зарах нь 2853.00 төгрөг байна. Харин рублийн авах ханш 40.60, зарах ханш 41.50, юанийн авах ханш 445.00, зарах ханш 446.50, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
- 8.00 цагт Улсын хоёрдугаар төв эмнэлэгт “Тархины харвалттай тэмцэх дэлхийн өдөр”-ийг тэмдэглэнэ. Утас: 89647777
2. 9.30 цагт “Туушин” зочид буудалд “Томуугийн үндэсний есдүгээр зөвлөлгөөн” болно. Утас: 93116060
3. 11.00 цагт ЭМЯ-наас коронавирусний нөхцөл байдлын талаар мэдээлнэ.
4. 11.00 цагт Хэвлэлийн хүрээлэнд ЭМЯ, Улсын нэг, гуравдугаар төв эмнэлгийн удирдлагууд “Тархины харвалттай тэмцэх дэлхийн өдөр”-ийн талаар мэдээлнэ.
5. 11.00 цагт Засгийн газрын XI байранд Төрийн албаны зөвлөлөөс “Төрийн албаны шинэтгэл-Томилгооны зөрчил” сэдвээр хэвлэлийн хурал хийнэ.
6. 14.00 цагт Хүүхдийн урлан бүтээх төвд Монгол Улс, Бүгд Найрамдах Солонгос Улс дипломат харилцаа тогтоосны 31 жилийн ой, Солонгосын соёлын өдрүүдийн хүрээнд "МОНГОЛ, СОЛОНГОСЫН ӨВ СОЁЛЫН ГАЙХАМШИГ" хүүхдийн уран зураг, гар урлалын үзэсгэлэнгийн нээлт болно. Утас: 91100409, 89958094
Төрийн ордонд
7. 9.00 цагт "Жендэрийн тэгш байдлыг хөхиүлэн дэмжиж жендэрт суурилсан хүчирхийллийг бууруулах нь” хэлэлцүүлэг болно.
8. 10.00 цагт УИХ-ын чуулган хуралдана.
9. 11.50 цагт УИХ-ын даргын өрөөнд Монгол Улсын нийслэл Улаанбаатар хотын эрх зүйн байдлын тухай хуулийн эх бичвэрийг хүлээлгэн өгөх ёслол болно.
Энэ өдөр дэлхийн түүхэнд:
- 1982 оны энэ өдөр Тайванийн алдарт жүжигчин, 43 болон 47 дахь удаагийн "Golden Bell" авардсаас шилдэг эмэгтэй жүжигчний шагналтан Ariel Lin мэндэлжээ.
- Харин сүмогийн 41 дахь ёкозүна Чиёнояма Масанобү 1977 оны энэ өдөр таалал төгсчээ.
- 2015 онд БНХАУ 35 жилийн дараа "нэг гэр бүл-нэг хүүхэд" бодлогоо албан ёсоор цуцалжээ.
- 2008 онд АНУ-ын агаарын тээврийн хоёр том компани нэгдэж, тус улсын агаарын тээврийн салбарт хамгийн том авиа компанийг үүсгэжээ.
