Өнөөдөр гадаа 9 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 300 дахь өдөр бөгөөд он дуусахад 66 хоног үлдлээ.
- Цаг агаар өдөртөө 9 хэмийн дулаан бол шөнөдөө -10 градус хүйтэн байх нь ээ.
- Билгийн тооллын 21. Ангараг гараг. Хэрцгий охин одтой, улаан хонь өдөр. Өдрийн наран 7 цаг 28 минутад мандан, 17 цаг 44 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй. Үс шинээр үргээлгэх буюу засуулах аваас тохиромжгүй.
- Валют арилжааны төвд ам.долларын авах ханш 2,850.00 төгрөг, зарах нь 2852.00 төгрөг байна. Харин рублийн авах ханш 40.40, зарах ханш 41.00, юанийн авах ханш 445.50, зарах ханш 446.50, вонийн авах ханш 2.38, зарах ханш 2.39 төгрөг байна.
Өнөөдөр болох онцлох үйл явдлууд:
- 09.00 цагт "Tourism Forum Mongolia-2021" МҮХАҮТ-ын Их танхимд болно. БОАЖЯ, МҮХАҮТ, МАЖХ хамтран зохион байгуулж буй форумаар Ковидын болон дараах үеийн маркетинг, гадаад сурталчилгаа, Жуулчин тээвэрлэлтийн боломж-шийдвэрлэх асуудлууд, Зочлох үйлчилгээний чиг хандлага, стандарт сэдвүүдээр салбар хэлэлцүүлгүүд хийнэ.
- 11.00 цагт Монгол Улс, ОХУ хооронд дипломат харилцаа тогтоосны 100 жилийн ой тохиож буйтай холбогдуулан Гадаад харилцааны дэд сайд, Оросын Элчин сайд нар хамтарч хэвлэлийн бага хурал хийнэ.
- 11.30 цагт Нийслэлийн цагдаагийн удирдах газрын Мөрдөн шалгах газраас орон сууц түрээслүүлнэ гэх нэрийдлээр бусдыг залилан мэхэлсэн /50 гаруй удаагийн үйлдэлтэй/ онц хэрцгий аргаар бусдыг дээрэмдсэн гэмт хэргийн талаар мэдээлэл өгнө.
- 10.00 цагт Төрийн ордонд Виртуал хөрөнгийн үйлчилгээ үзүүлэгчийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын дэд хэсгийн хуралдаан болно.
- 12.00 цагт Төрийн ордонд Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын дэд хэсгийн хуралдаан болно.
- 14.00 цагт Төрийн ордонд Усны тухай хуульд нэмэлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх үүрэг бүхий Байгаль орчин, хүнс, хөдөө аж ахуйн байнгын хорооны ажлын дэд хэсгийн хуралдаан болно.
- 10.00-18.00 цагт Төрийн ордонд УИХ-ын Байнгын хороодын хуралдаанууд болно.
Энэ өдөр дэлхийн түүхэнд:
- 1995 оны энэ өдөр NCT хамтлагын гишүүн Юүта (Накамото Юүта) мэндэлжээ.
- Өнөөдөр интерсекс буюу аль аль хүйсийн анхдагч ба дайвар шинж тэмдэгтэй төрсөн хүмүүсийн эрхийг хамгаалах өдөр тохиож байна.
- 1994 онд Иордан болон Израйл улс нар Энхийн гэрээнд гарын үсэг зуржээ.
- 1984 онд "Baby Fae" хэмээн нэрлэгдсэн зүрхний өвчтэй төрсөн бяцхан хүүд нохой сармагчны зүрхийг амжилттай шилжүүлэн суулгаж байжээ.
