Өнөөдөр гадаа 7 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 294 дахь өдөр бөгөөд он дуусахад 71 хоног үлдлээ.
- Цаг агаар өдөртөө 7 хэмийн дулаан бол шөнөдөө -10 градус хүйтэн байх нь ээ.
- Билгийн тооллын 16, Шийдэм одтой, хар бар өдөр. Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнес эхлэх, цар ихтэй үйлийг эхлэх, бясалгал хийх, доодсыг асрах, өглөг хандив өгөх, хараал жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр байшингийн суурь тавихад сайн. Золиг гаргах, бомбын үйл, бэрийн үйлд муу. Үс шинээр үргээлгэх буюу засуулахад муу.
- “Найман шарга” валют арилжааны төвд ам.долларын авах ханш 2,848.00 төгрөг, зарах нь 2851.00 төгрөг байна. Харин рублийн авах ханш 40.00, зарах ханш 37.30, юанийн авах ханш 445.00, зарах ханш 447.00, вонийн авах ханш 2.38, зарах ханш 2.40 төгрөг байна.
Өнөөдөр болох онцлох үйл явдлууд:
- 08:30 цагт Зам, тээврийн салбарт 2021 онд хийхээр төлөвлөсөн төсөл, хөтөлбөр, бүтээн байгуулалт, түүний биелэлт, Тяньжин, Эрээн, Замын-Үүд боомтод гацсан чингэлэг, ачаа тээвэр, Гашуунсухайтын нүүрс тээврийн асуудлаар ээлжит хэвлэлийн хурал хийнэ. Харилцах утас: 88057167
- 11:00 цагт Шүүхийн ерөнхий зөвлөлийн 102 тоот танхимд “Монгол Улсын шүүхийн 2021 оны III улирлын шүүн таслах ажлын дүн мэдээ”-г танилцуулна. Шүүхийн хэвлэл мэдээллийн хэлтэс утас: 99122141, 98980404, 86050515
- 14.00 цагт Эрүүгийн цагдаагийн албаны хурлын зааланд "Илрүүлэлт-Оргодол-2021" нэгдсэн арга хэмжээний явц байдлын талаар мэдээлэл хийнэ.
Энэ өдөр дэлхийн түүхэнд:
- Өнөөдөр Их Британид 19-р зууны сүүлч, 20-р зууны эхэнд төр барьж байсан эзэн хаан Трафалгарын ойн баярыг тэмдэглэж байна.
- Мөн өнөөдөр Тайланд улсад Сувилагчдын эрхийн өдөр тохиож байна.
- 1980 оны энэ өдөр Америкийн загвар өмсөгч, жүжигчин Ким Кардашиан мэндэлжээ.
- 1994 онд Сөүл хотод "Seongsu" нэртэй гүүр нурснаас болж 32 хүн амь насаа алджээ.
- 1977 онд Европын Патентын хүрээлэн үүсэн байгуулагджээ.
