Өнөөдөр гадаа 6 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 20 -ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 293 дахь өдөр бөгөөд он дуусахад 72 хоног үлдлээ.
- Цаг агаар өдөртөө 6 градусын дулаан бол шөнөдөө -11 градус хүйтэн байх нь ээ.
- Билгийн тооллын 15. Буд гараг. Шийдэмгий одтой, цагаагчин үхэр өдөр. Өдрийн наран 7 цаг 19 минутад мандан, 17 цаг 55 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв зүйлд хянамгай хандаж, биеэ энхрийлүүштэй. Үс шинээр үргээлгэх буюу засуулбал өлзийтэй сайн хэмээжээ.
- Валют арилжааны төвд ам.долларын авах ханш 2,848.00 төгрөг, зарах нь 2851.00 төгрөг байна. Харин рублийн авах ханш 39.80, зарах ханш 40.10, юанийн авах ханш 443.50, зарах ханш 444.30, вонийн авах ханш 2.37, зарах ханш 2.39 төгрөг байна.
Өнөөдөр болох үйл явдал:
- 09.00 цагт “Хууль зүйн боловсрол судлалын өнөөгийн байдал, хөгжлийн чиг хандлага ”сэдэвт эрдэм шинжилгээний хурал эхэлнэ. Лавлах утас: 9990-8221
- 10.30 цагт Байгаль Орчин, Аялал Жуулчлалын яамны “Хаан танхим”- д “TOURISM FORUM 2021” болон “ITM 2021” олон улсын аялал жуулчлалын үзэсгэлэнгийн талаар нэгдсэн мэдээлэл өгнө.
- 11.00 цагт ЭМЯ-наас ковидын нөхцөл байдлын талаарх тоон мэдээллийг өгнө.
Төрийн ордонд
- Засгийн газрын хуралдаантай.
Энэ өдөр дэлхийн түүхэнд:
- Өнөөдөр Статистикийн дэлхийн өдөр тохиож байна.
- Мөн өнөөдөр Вьетнам улсад Эмэгтэйчүүдийн эрхийг хамгаалах өдөр тохиож байна.
- 1971 оны энэ өдөр Америкийн реппер, продюсер Snoop Dogg мэндэлжээ.
- 1973 онд Сиднейн дуурийн театр 14 жилийн турш баригдсаны эцэст II Элизабетийн үед нээлтээ хийжээ.
- 1977 онд Америкийн алдарт рок хамтлаг болох Lynyrd Skynyrd-н сууж явсан нисэх онгоц осолджээ.
- 1991 онд Энэтхэгт 6.8 баллын хүчтэй газар хөдлөлт болж 1000 гаруй хүн амь үрэгджээ.
