Өнөөдөр гадаа 12 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Аравдугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 285 дахь өдөр бөгөөд он дуусахад 80 хоног үлдлээ.
- Цаг агаар өдөртөө 12 хэмийн дулаан бол шөнөдөө -2 градус хүйтэн байх нь ээ.
- Билгийн тооллын 7. Ангараг гараг. Суулга одтой, хоёр хар мэнгэтэй харагчин могой өдөр. Өдрийн наран 7 цаг 07 минутад мандан, 18 цаг 10 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан гөрөө хийх, мал, адгуус муулах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой гахай болой. Хол газар яваар одогсод зүүн зүгт мөрөө гаргавал зохистой. Хүүхдийн сэвлэг үргээлгэх буюу үс засуулахад тохиромжгүй бөгөөд хэл ам, хэрүүл тэмцэл ирнэ хэмээжээ.
- Манай улсын голлох валют болох ам.долларын ханш авах нь 2848.00, зарах 2850.00 төгрөгтэй тэнцэж байгаа бол бусад валют болох рубль авах нь 39.30,, зарах нь 39.80, юань авах нь 442.00, зарах нь 443.00, вон авах нь 2.38, зарах нь 2.40 төгрөг байна.
Өнөөдөр болох онцлох үйл явдлууд:
- 9.00 цагт Сүхбаатарын талбайд “Нэг ч ЖДҮ эрхлэгч хөгжлөөс хоцрох учиргүй” жижиг, дунд үйлдвэр, үйлчилгээ эрхлэгчдийн бараа бүтээгдэхүүнийг танилцуулах өдөрлөг эхэлнэ.
- 10.00 цагт УИХ-ын Төрийн ордонд Хууль зүйн байнгын хороо хуралдана.
- 11.00 цагт БХБЯ-наас өөрийн байрандаа цаг үеийн асуудлаар мэдээлнэ. Утас: 91119757 99010985
- 12:00 цагаас Монголын Залуучуудын холбоон дээр хэвлэлийн хуралтай. МЗХ-ын ерөнхийлөгчийн хууль бус үйлдэл, барилга байгууламж дураараа нураасан барьсан зэрэг олон асуудлаар мэдээлэл өгнө.
- 13.00 цагт Шүүхийн ерөнхий зөвлөлийн байранд “Нээлттэй шүүх” хэвлэлийн хурал болно. Утас: 99122141, 98980404
Энэ өдөр дэлхийн түүхэнд:
- Өнөөдөр Нэр төрөө эрхэмлэх дэлхийн өдөр тохиож байна.
- Мөн өнөөдөр бол Чөлөөтэй сэтгэн бодох олон улсын юм байна.
- 1975 оны энэ өдөр Америкийн алдарт реппер Ahmad мэндэлжээ.
- 1992 онд Египетийн Кайро хотод 5.8 баллын хүчтэй газар хөдөлж, 510 гаруй хүн нас баржээ.
- 1968 онд Бүгд Найрамдах Эквадор улс Испани улсаас салан тусгаарлаж байжээ.
