Өнөөдөр гадаа 9 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 281 дахь өдөр бөгөөд он дуусахад 84 хоног үлдлээ.
- Цаг агаар нийслэлд өдөртөө 9 хэмийн дулаан бол шөнөдөө 0 градус хүйтэн байх нь ээ. Шөнөдөө цастай.
- Билгийн тооллын 2. Сугар гараг. Салхины эх одтой, зургаан цагаан мэнгэтэй шарагчин үхэр өдөр. Өдрийн наран 7 цаг 01 минутад мандан, 18 цаг 18 минутад жаргана. Тухайн өдөр туулай, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал, адгуус номхруулах, мал арилжих, буг дарах, газрын ам бооход сайн. Байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Хүүхдийн сэвлэг үргээлгэх буюу үс засуулахад тохиромжгүй бөгөөд хэл, ам, хэрүүл тэмцэл ирнэ хэмээжээ.
- Валют арилжааны төвд ам.долларын авах ханш 2,848.00 төгрөг, зарах нь 2851.00 төгрөг байна. Харин рублийн авах ханш 39.10, зарах ханш 39.40, юанийн авах ханш 441.50, зарах ханш 442.50, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
- 9.00 цагт "Туушин" зочид буудалд "Малыг ялган тэмдэглэх, бүртгэлжүүлэх системийн өнөөгийн байдал" олон улсын семинар болно.
- 11.00 цагт ЭМЯ-наас коронавирусийн нөхцөл байдлын талаар мэдээлнэ.
- 14.00 цагт Төрийн ордонд УИХ-ын чуулган хуралдана.
- 15.00 цагт "Русский дом"-д МҮОНРТ “Voice of Mongolia” радио, ОХУ-аас Монгол Улсад суугаа ЭСЯ, Россотрудничество агентлагийн Монгол Улс дахь төлөөлөгчийн газар хамтран “XXI зууны радиогийн талаар юу мэдэх хэрэгтэй вэ? Орчин үеийн чиг хандлага” цахим сургалт зохион байгуулна. Утас: 94790159, 458682
Энэ өдөр дэлхийн түүхэнд:
- 2009 онд АНУ-ын Ерөнхийлөгч Барак Обама Нобелийн энх тайвны шагналыг хүртжээ.
- 1963 онд Вайот усан цахилгаан станцын усан савд хөрсний гулгалтаас үүссэн 90 метр өндөртэй давлагаанд Лонгарон хот усанд автжээ. Ойролцоогоор 3 мянган хүн амь үрэгдсэн байна.
- 1940 оны энэ өдөр “Битлз” хамтлагийн гишүүн Жон Леннон төржээ.
- 1874 онд Дэлхийн шуудангийн холбоо байгуулагджээ.
- 1824 онд Коста-Рикад боолчлолыг халжээ.
- 1780 онд Атлантикийн түүхэнд хамгийн их сүйрэл дагуулсан хар шуурга дэгджээ. 10 хоногийн дотор 22 мянган хүн амь үрэгджээ.
