Өнөөдөр гадаа 12 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 07-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 280 дахь өдөр бөгөөд он дуусахад 85 хоног үлдлээ.
- Цаг агаар өдөртөө 12 хэмийн дулаан бол шөнөдөө -1 градус хүйтэн байх нь ээ. Шөнөдөө цастай.
- Билгийн тооллын 1, Тэргүүн дагуул одтой, шар хулгана өдөр. Тухайн өдөр бич жилтнээ аливаа үйлийг хийхэд эерэг сайн бол үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнес эхлэх, цар ихтэй үйлийг эхлэх, бясалгал хийх, доодсыг асран, өглөг хандив өргөх, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тахих, морь уралдахад муу. Үс шинээр үргээлгэх буюу засуулахад тохиромжгүй.
- Үс шинээр үргээлгэх буюу засуулахад тохиромжгүй бөгөөд өлсөж ундаасна хэмээжээ.
- “Найман шарга” валют арилжааны төвд ам.долларын авах ханш 2,848.00 төгрөг, зарах нь 2851.00 төгрөг байна. Харин рублийн авах ханш 39.10, зарах ханш 39.40, юанийн авах ханш 441.50, зарах ханш 442.50, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
- 11.30 цагт Монгол нюьсд Цагдаагийн алба хаагчдын эрх ашгийг хамгаалах холбооноос мэдээлэл хийнэ.
- 11.00-13.00 цагийн хооронд Экологийн цагдаагийн алба Арцадын аманд мод тарина. Утас 91229127, 99894455
- 13.00 цагт НОК-оос коронавирусийн цаг үеийн байдлаар мэдээлэл хийнэ
- 14.00 цагаас Улсын гуравдугаар төв эмнэлэгт 5.7 тэрбумын тоног, төхөөрөмж хүлээлгэж өгнө. Утас: 93116060
Энэ өдөр дэлхийн түүхэнд:
- Өнөөдөр Лаос улсад Багш нарын баярын өдөр тохиож байна.
- 1959 оны энэ өдөр "X factor", "British got talent" зэрэг шоу нэвтрүүлгийн шүүгч, "Английн продюсер Simon Cowell мэндэлжээ.
- 1996 онд Америкийн алдарт телевизийн суваг болох "Fox News Channel" нэвтрүүлгээ цацаж эхэлжээ.
- 1985 онд Пуэрто-Рикод болсон үерийн улмаас 200 орчим хүн амь насаа алджээ.
- 1977 онд Зөвлөлтийн дөрөв дэх Үндсэн хуулийг батлав.
- 1963 онд Ерөнхийлөгч Кеннеди "Цөмийн туршилтыг хэсэгчлэн хориглох тухай гэрээ"-нд гарын үсэг зуржээ.
