Өнөөдөр гадаа 10 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 01-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 274 дахь өдөр бөгөөд он дуусахад 91 хоног үлдлээ.
- Цаг агаар өдөртөө 10 хэмийн дулаан бол шөнөдөө 0 хэм байх нь ээ. Шөнөдөө цастай.
- Билгийн тооллын 25, Найралт эх одтой, хар морь өдөр. Тухайн өдөр нохой жилтнээ аливаа үйлийг хийхэд үерэг сайн ба бар, туулай жилтнээ сөрөг муу нөлөөтэй тул элдэв үйл хянамгай хандаж, биеэ энхрийлүүштэй. Үс шинээр үргээлгэх буюу засуулахад тохиромжгүй.
- “Найман шарга” валют арилжааны төвд ам.долларын авах ханш 2,848.00 төгрөг, зарах нь 2851.00 төгрөг байна. Харин рублийн авах ханш 39.10, зарах ханш 39.50, юанийн авах ханш 440.00, зарах ханш 441.00, вонийн авах ханш 2.40, зарах ханш 2.42төгрөг байна.
Өнөөдөр болох онцлох үйл явдлууд:
- 10:00 цагт Монголын гаалийн байгууллага иргэдэд үзүүлдэг 13, аж ахуйн нэгжид үзүүлдэг 33 үйлчилгээг цахим хэлбэрт шилжүүлж байгаатай холбогдуулан ГЕГ-ын 1 давхрын хурлын зааланд мэдээлэл хийнэ. Холбоо барих утас: 99145985
Энэ өдөр дэлхийн түүхэнд:
- Өнөөдөр Дэлхийн веган буюу ногоон хоолтнуудын өдөр тохиож байна.
- Мөн Олон улсын Ахмадуудын баяр тохиож буй.
- Узбекстан улсад Багш нарын баярын өдөр тохиож байна.
- 1971 онд Walt Disney World Флорида мужид нээлтээ хийжээ.
- 1979 онд II Пап лам Жон Паул гадаад дахь айлчлалаа АНУ-аас эхэлж байжээ.
