Өнөөдрийн тухай таны мэдэх ёстой 13 зүйл: Улаанбаатар хотыг 2040 он хүртэл хөгжүүлэх мастер төлөвлөгөөний талаар мэдээлнэ

Өнөөдөр гадаа 17 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

9 дүгээр сарын 24-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 265 дахь өдөр бөгөөд он дуусахад 98 хоног үлдлээ.
2. Цаг агаар өдөртөө 17 хэмийн дулаан бол шөнөдөө 6 градус дулаан байх нь ээ. 
3. Билгийн тооллын давхарласан 18, Гоё хүүхэн одтой, хөхөгчин гахай өдөр. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмт хэрэг илрүүлэх, гэм буруутныг шийтгэх, хараал, жатхыг буцаах, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Үс шинээр үргээлгэх буюу засуулахад тохиромжгүй.
4. “Уран уургач” валют арилжааны төвд ам.долларын авах ханш 2,848.00 төгрөг, зарах нь 2850.00 төгрөг байна. Харин рублийн авах ханш 39.20, зарах ханш 39.50, юанийн авах ханш 441.00, зарах ханш 441.80, вонийн авах ханш 2.41, зарах ханш 2.43 төгрөг байна.

Өнөөдөр болох онцлох үйл явдлууд: 

1. 10:30 цагт Монголын Эрчим хүч, геологи, уул уурхайн ҮЭ-ийн холбооны 25 жилийн ойг тохиолдуулан гаргасан "Эрдэнэсийг ундруулагч, илч гэрлийн эздийн тэмцэл, хөдөлгөөн" номын нээлт UB grand-дын 17 давхарт болно. Холбогдох утас: :99907026
2. 12.00 цагт Монгол Японы хамтарсан эмнэлгийг АШУҮИС-ын харьяалалд /ашиглалтад/ албан ёсоор хүлээлгэн өгөх үйл ажиллагаа болно. Утас: 99002030
3. 13:00 цагт НЗДТГ-аас Өвөлжилтийн бэлтгэл, Улаанбаатар хотын 2040 он хүртэл хөгжүүлэх мастер төлөвлөгөө болон цаг үеийн асуултад хариулт өгнө. Утас: 99763656

Энэ өдөр дэлхийн түүхэнд:

1. 2014 онд Энэтхэг улсын сансрын хөлөг Ангараг гарагийн тойрогт гарчээ.
2. 1998 онд Лион хотод хүний гар шилжүүлэн суулгах анхны мэс ажилбар хийгджээ.
3. 1996 онд Цөмийн туршилтыг бүрэн хориглох гэрээ гарын үсэг зурахад нээгджээ.
4. 1953 онд Холливуудад анхны өргөн дэлгэцийн кино гарчээ.
5. 1948 онд “Хондо мотор” компани үүсэн байгуулагджээ.
6. 1941 онд Гитлер Москваг эзлэх “Шуурга” төлөвлөгөөг баталжээ