Өнөөдөр гадаа 22 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 17-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 260 дахь өдөр бөгөөд он дуусахад 105 хоног үлдлээ.
- Цаг агаар өдөртөө 22 хэмийн дулаан бол шөнөдөө 5 градус дулаан байх нь ээ.
- Билгийн тооллын 11. Сугар гараг. Булаагч одтой, шар луу өдөр. Өдрийн наран 6 цаг 30 минутад мандан, 19 цаг 05 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба туулай, бар жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулахад эрхтэн хурц болно хэмээжээ.
- Валют арилжааны төвд ам.долларын авах ханш 2,848.00 төгрөг, зарах нь 2850.00 төгрөг байна. Харин рублийн авах ханш 38.90, зарах ханш 39.40, юанийн авах ханш 442.00, зарах ханш 443.00, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 10.00 Сүхбаатарын талбайд "Номын баяр-2021" эхэлнэ.
- 10.00 цагт "Шинэ эхлэл" сургуулийн байранд Сургуулийн орчинд ажиллах анхны мэргэшсэн сэтгэл зүйчдэд сертификат гардуулж, сэтгэл зүйчийн өрөө, иж бүрэн хэрэгслийг хүлээлгэн өгнө.
- 10.00 цагт ХЗДХЯ-нд "Хувийн эрх зүйн хөгжлийн цаашдын чиг хандлага” зөвлөлдөх хэлэлцүүлэг хийнэ.
- 10.00 цагт Ой, хээрийн түймрээс урьдчилан сэргийлэх “АЛДВАЛ ГАЛДАНА” нөлөөллийн аяны талаар мэдээлэл өгнө. Хаана: Хангарди ордны нэгдүгээр давхарт Хэвлэл мэдээллийн төвд болно.
- 10:00 цагт Зам, тээврийн хөгжлийн яамнаас 2021 онд зам, тээврийн салбарт хийсэн бүтээн байгуулалт, цаашдын зорилго, чиглэл, төлөвлөгөөний талаар мэдээлэл хийнэ.
- 11.00 цагт Эрүүл мэндийн яамны байранд "Ковид-19" цар тахлын нөхцөл байдлын талаар мэдээлэл өгнө.
- 11:40 цагт МУИС-ийн дэд профессор, Номын сангийн захирал Г.Цэрэнгийн "Байгууллагын зан төлөв" сурах бичгийн нээлт болно.
- 13:00 цагт нийслэлийн Өргөө амаржих газарт "Үйлчлүүлэгчийг дэмжих алба"-ны нээлттэй хаалганы өдөр болно.
Энэ өдөр дэлхийн түүхэнд:
- 1903 онд сүмогийн 34 дэх ёкозүна Минаногава Тозо мэндэлжээ.
- Мөн 1996 онд БНСУ-ын алдарт хөвгүүдийн хамтлаг GOT7 хамтлагын гишүүн Youngjae(Choi Young-Jae) мэндэлжээ.
- 1988 оны зуны олимп БНСУ-ын Сөүл хотод нээлтээ хийлээ.
- 1983 онд "Америкийн мисс" тэмцээнд анх удаа хар арьстай бүсгүй тэргүүн байр эзэлсэн нь Vanessa Williams байлаа.
