Өнөөдөр гадаа 18 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 258 дахь өдөр бөгөөд он дуусахад 107 хоног үлдлээ.
- Цаг агаар өдөртөө 18 хэмийн дулаан бол шөнөдөө 3 градус дулаан байх нь ээ.
- Билгийн тооллын 9. Буд гараг. Суулга одтой, улаан бар өдөр. Өдрийн наран 6 цаг 29 минутад мандан, 19 цаг 06 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулахад өчүүхэн өвчин ирнэ.
- Валют арилжааны төвд ам.долларын авах ханш 2848.00 төгрөг, зарах нь 2851.00 төгрөг байна. Харин рублийн авах ханш 39.00, зарах ханш 39.40, юанийн авах ханш 442.40, зарах ханш 443.40, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 9.40 цагт “Таван толгой түлш” компанийн Хэрэглэгчид үйлчлэх төвд “Сайжруулсан түлшний цогц хэрэглээ” аяны нээлт болно.
- 10.00 цагт ШУА-ийн Хүрээлэнгүүдийн нэгдсэн II байранд Төр, нийгмийн зүтгэлтэн, академич Д.Төмөр-Очирын мэндэлсний 100 жилийн ойд зориулсан эрдэм шинжилгээний хурал болно. Утас: 99827787, 99768798
- 10.00 цагт УПЕГ-ын гадна хонгилын прокуроруудын сүлжээг илчилж, хугацаагүй суулт зарлаж байгаа талаараа "Ноёд" группийн Ерөнхийлөгч Г.Буяндорж, МУГЖ Т.Ариунаа нар мэдээлэл хийнэ.
- 11.00 цагт Сүхбаатарын талбайд Монголын орон сууц, нийтийн аж ахуйн үйлчилгээний ажилтны үйлдвэрчний эвлэлийн холбоо “ОСНАА-ОРХИГДУУЛЖ БОЛОХГҮЙ САЛБАР” хөдөлгөөн өрнүүлж, БХБЯ-ны сайд Б.Мөнхбаатар, нийслэлийн Засаг дарга бөгөөд Улаанбаатар хотын Захирагч Д.Сумъяабазар нарт шаардлага хүргүүлнэ. Утас: 88362418 99053606
- 15.00 цагт “ИРЭЭДҮЙН ЭЗЭД-2021” аян хүрээнд дэлхийн шилдэг орнуудад тэтгэлгээр суралцах боломжуудыг танилцуулна. Холбогдох линк: https://us02web.zoom.us/j/88609563127?pwd=QktZZk1IelBmSHA5N2JmSzRzdlJHZz09 Meeting ID: 886 0956 3127 Passcode: 123
- 14.00 цагт МУИС-д тус сургууль, “Андореан” компанийн Монгол залуусын оюуны үнэлэмжийг дэлхийд хүргэх төслийн нээлт болно. Утас: 89111317
- 18.00 цагт Чойжин ламын сүм музейд 2011 оноос эхлэн жил бүр уламжлал болгон зохион байгуулж буй “Үдшийн музей” үйл ажиллагаа болно.
- 20.00 Цагдаагийн байгууллага үүсэж хөгжсөний 100 жилийн ойн тоглолтыг цахимаар шууд дамжуулна
Энэ өдөр дэлхийн түүхэнд:
- Өнөөдөр Азербайжан улсад Мэдлэгийн өдөр тохиож байна.
- Мөн өнөөдөр Энэтхэг улсад Инженерүүдийн баярын өдөр болж байгаа юм байна.
- 1984 оны энэ өдөр Уэльсийн ханхүү Харри мэндэлжээ.
- 2012 онд Австралийн Сидней дэх АНУ-ын Элчин сайдын яамны гадаа лалын босогчид Америкийн эсрэг уриа лоозон барин жагсаж, танхайрч, 19 хүнийг шархдуулжээ.
- 1981 онд Бүгд Найрамдах Вануату Улс албан ёсоор НҮБ-ын гишүүн орон болжээ.
