Өнөөдөр гадаа 21 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 10-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 253 дахь өдөр бөгөөд он дуусахад 112 хоног үлдлээ.
- Цаг агаар өдөртөө 21 эмийн дулаан бол шөнөдөө 2 градус дулаан байх нь ээ.
- Билгийн тооллын 4. Сугар гараг. Тэргүүн дагуул одтой, цагаачин тахиа өдөр. Өдрийн наран 6 цаг 23 минутад мандан, 19 цаг 15 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулбал бие эрхтэний хүч сайжирна хэмээжээ.
- Валют арилжааны төвд ам.долларын авах ханш 2,848.00 төгрөг, зарах нь 2851.00 төгрөг байна. Харин рублийн авах ханш 38.80, зарах ханш 39.30, юанийн авах ханш 441.50, зарах ханш 442.20, вонийн авах ханш 2.43, зарах ханш 2.44 төгрөг байна.
Өнөөдөр болох онцлох үйл явдлууд:
- 09.00 цагт “Монгол Улсад "Ковид-19" халдвараас урьдчилан сэргийлэх, хариу арга хэмжээ авах, бэлэн байдлыг хангах” төслийн хүрээнд Дэлхийн банкны санхүүжилтээр 1.27 сая ам.долларын өртөг бүхий тоног төхөөрөмж гардуулна.
- 11.00 цагт Хэвлэлийн хүрээлэн БНХАУ руу буцах хүсэлтэй оюутнууд мэдээлэл хийнэ.
Энэ өдөр дэлхийн түүхэнд:
- Өнөөдөр бол Гэр оронгүй хүмүүсийн эрхийг хамгаалах дэлхийн өдөр.
- өнөөдөр Сэтгэцийн эрүүл мэндийн дэлхийн өдөр тохиож байна.
- 1979 оны энэ өдөр H.O.T. хамтлагын гишүүн Kangta мэндэлжээ.
- Мөн 1994 оны энэ өдөр "Мөрөөдлөөс ч илүү" киногоороо алдаршсан Miss A хамтлагийн дуучин, жүжигчин Bae Suzy мэндэлжээ.
- 1975 онд Папуа Шинэ Гвиней улс НҮБ-д нэгджээ.
- 1970 онд Бүгд найрамдах Фижи улс бүгд найрамдах засаглалтай болжээ.
