Өнөөдөр гадаа +13 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 251 дахь өдөр бөгөөд он дуусахад 116 хоног үлдлээ.
- Цаг агаар өдөртөө 13 хэмийн дулаан бол шөнөдөө 5 градус дулаан байх нь ээ.
- Билгийн тооллын 2. Буд гараг. Харцага одтой, есөн улаан мэнгэтэй, шарагчин хонь өдөр. Наран 6 цаг 20 минутад мандан, 19 цаг 20 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Хүүхдийн сэвлэг үргээх, үс засуулбал хэл ам, хэрүүл тэмцэл ирнэ хэмээжээ.
- “Найман шарга” валют арилжааны төвд ам.долларын авах ханш 2848.00 төгрөг, зарах нь 2851.00 төгрөг байна. Харин рублийн авах ханш 39.10, зарах ханш 39.50, юанийн авах ханш 442.20, зарах ханш 443.00, вонийн авах ханш 2.44, зарах ханш 2.45 төгрөг байна.
Өнөөдөр болох онцлох үйл явдлууд:
- 9.00 цагт Холидэй Инн зочид буудалд Жижиг, дунд үйлдвэрийн газраар дамжуулан хоршоодод хөнгөлөлттэй зээл олгох, хоршооны тухай хуулийг танилцуулах хурал болно. Утас: 99047909
- 11.00 цагт “Монгол ньюс” мэдээллийн төвд экспортлогч аж ахуйн нэгжүүд Засгийн газарт шаардлага хүргүүлэх талаар мэдээлнэ.
- 11.00 цагт ЦЕГ ын Мөрдөн байцаах газарт Монголбанк, Монголын Банкны Холбоо, ЦЕГ-аас "Цахим орчин дахь залилах гэмт хэргийн нөхцөл байдал" хэлэлцүүлэг зохион байгуулна. Утас: 91992520
- 11.00 цагт МҮЭХ-ноос өөрийн байрандаа цар тахлын үед боловсрол, эрүүл мэндийн салбар орон тооны хомсдолд орох, ажилтнуудын ажлын цаг, ачаалал нэмэгдэх, цалин хөлс буурах зэрэг хүндрэл гарч байгаа талаар мэдээлнэ. Утас: 99027019
- 11.30 цагт АН-ын С.Зориг агсны хөшөөтэй байранд Ардчилсан намаас цаг үеийн асуудлаар мэдээлнэ.
- 14.00 цагт Чингис Соосэ их сургуульд Хэлмэгдэгсдэд зориулсан яруу найргийн наадам болно. Утас: 89119809
Энэ өдөр дэлхийн түүхэнд:
- Өнөөдөр Дэлхийн физик эмчилгээний өдөр тохиож байна.
- Түүнчлэн өнөөдөр Пакистан улсад Ялалтын баярын өдөр тохиож байгаа юм байна.
- 1979 онд PINK хэмээх нэрээрээ алдаршсан Америкийн дуучин, жүжигчин, продюсер Alecia Beth Moore мэндэлжээ.
- 1978 онд Техранд болсон бослогыг дарах зорилгоор цэргүүд босогчдын эсрэг гал нээж, 3000 орчим хүний амийг авч одсон нь түүхэнд ХАР БААСАН ГАРИГ хэмээн тэмдэглэгдэн үлджээ.
