Есдүгээр сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 250 дахь өдөр бөгөөд он дуусахад 115 хоног үлдлээ.
- Цаг агаар өдөртөө 14 хэмийн дулаан бол шөнөдөө 5 градус дулаан байх нь ээ.
- Билгийн тооллын 30. Ангараг гараг. Бага морь одтой, нэг цагаан мэнгэтэй, шар морь өдөр. Наран 6 цаг 18 минутад мандан, 19 цаг 22 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Цагаан шүүдэр буух улирал (19 цаг 7 мин)-д эхэлнэ. Хүүхдийн сэвлэг үргээх, үс засуулахад эрлэг лугаа учирна хэмээжээ.
- Валют арилжааны төвд ам.долларын авах ханш 2,852.00 төгрөг, зарах нь 2855.00 төгрөг байна. Харин рублийн авах ханш 39.00, зарах ханш 39.50, юанийн авах ханш 418.50, зарах ханш 419.00, вонийн авах ханш 2.42, зарах ханш 2.44 төгрөг байна.
Өнөөдөр болох онцлох үйл явдлууд:
- 9.00 цагт “Novotel” зочид буудалд Биржийн бус зах зээлийн арилжааг эхлүүлэн анхны цан цохих ёслол болно. Утас: 91197636
- 10.30 цагт Өргөн хэрэглээний барааны үнэ өссөн тул тэтгэвэр тэтгэмж нэмэхийг шаардаж мэдээлэл хийнэ.
- 11.00 цагт “E-Mongolia төв”-д харилцаа холбоо, мэдээллийн технологийн салбарын “ICT expo - 2021” үзэсгэлэнгийн талаар мэдээлнэ. Утас: 94999598, 9932493911.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 11:00 цагт "Монгол ньюс" мэдээллийн төвд Шадар сайд С.Амарсайхан хууль хүчнийхэнд нөлөөлж төрсөн ах лам нь залилан хийж бусдыг дээрэмдэж хөрөнгөжиж буй гэх асуудлаар хохирогч А компаниас мэдээлэл хийнэ.
- 11.30 цагт Монголын залуучуудын холбооны ерөнхийлөгч О.Гэрэлт-Од авлигын эсрэг аян өрнүүлэх талаар мэдээлнэ. Утас: 99841905, 99478825
- 12:00 цагт "Монгол ньюс" мэдээллийн төвд Zarig.mn сайтаар "Ореэнт инвесмент пропертиз" ХХК-г хууль зөрчсөн гэх утга агуулга бүхий 8 удаагийн мэдээлэл нийтлэгдсэнтэй холбогдуулан тус компаниас мэдэгдэл хийнэ.
Энэ өдөр дэлхийн түүхэнд:
- Өнөөдөр Мозанбек улсад Ялалтын баярын өдөр тохиож байна.
- Мөн өнөөдөр бол Украйн улсын Цэргийн тагнуулын өдөр юм байна.
- 1987 оны энэ өдөр АНУ-ын жүжигчин, дуучин Evan Rachel Wood мэндэлжээ.
- 2004 онд Атлантын далайд маш догшин далайн хар шуурга үүсч, 39 хүний амийг авч одож, байшин барилгын 90 хувийг сүйтгэжээ.
- 2005 онд Египет улсад анхны ардчилсан ерөнхийлөгчийн сонгууль явагджээ.
