Өнөөдөр Улаанбаатар хотод +14 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 25-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 237 дахь өдөр бөгөөд он дуусахад 128 хоног үлдлээ.
- Цаг агаар өдөртөө +14 градусын дулаан, бага зэргийн бороотой бол шөнөдөө +7 градус дулаан, үүлшинэ.
- Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Намрын тэргүүн улаан бич сарын шинийн 18. Буд гараг. Могойг хүлэгч одтой, таван шар мэнгэтэй, хөхөгчин могой өдөр. Өдрийн наран 6 цаг 01 минутад мандан, 19 цаг 48 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Дашнямтай өдөр. Үс шинээр үргээлгэх буюу засуулбал эд малын гарлагатай хэмээжээ.
- “Найман шарга” валют арилжааны төвд ам.долларын авах ханш 2849.00 төгрөг, зарах нь 2852.00 төгрөг байна. Харин рублийн авах ханш 38.80, зарах ханш 39.30, юанийн авах ханш 440.00, зарах ханш 441.00, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 08:00 цаг Засгийн газрын ээлжит хуралдаан болж байна.
- 10:00 цагт Монгол Улсын Ерөнхийлөгч У.Хүрэлсүх тамирчдыг хүлээн авч, хүрэл медаль хүртсэн Ц.Цогтбаатар, Б.Болортуяа болон мөнгөн медалийн эзэн болсон Саиед Моллайд Монгол Улсын гавьяат тамирчин цол олгоно.
- 11:00 цагт Монгол ньюс мэдээллийн төвд "Өвөр Монголд сургуулийн өмнөх насны хүүхдийг хятадаар сургах болсныг эсэргүүцье" сэдвээр Иргэний хөдөлгөөнүүд мэдээлэл хийнэ.
Энэ өдөр дэлхийн түүхэнд:
- Өнөөдөр Бразил улсад Цэргийн баяр тохиож байна.
- Мөн өнөөдөр бол Уругвай улсын Тусгаар тогтносон өдөр.
- 1980 онд Зимбабве улс НҮБ-д нэгджээ.
- 1981 онд НАСА-гийн Voyager 2 сансрын хөлөг Санчир гариг хамгийн ойр дөхөж очжээ.
