Өнөөдөр Улаанбаатар хотод +25 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр наймдугаар сарын 11
Өглөөд заавал мэдэж байх ёстой зүйлүүд:
- Өнөөдөр бол жилийн 223 дахь өдөр бөгөөд он дуусахад 144 хоног үлдлээ.
- Цаг агаар өдөртөө +24 градусын дулаан, бага зэрэг бүрхэг бол шөнөдөө +11 градус дулаан, үүлшинэ.
- Билгийн тооллын 3. Буд гараг. Харцага одтой, нэг цагаан мэнгэтэй цагаагчин туулай өдөр. Наран 5 цаг 42 минутад мандан, 20 цаг 13 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Хүүхдийн сэвлэг үргээх, үс засуулбал эд мал баялаг төгөлдөр болно хэмээжээ.
- Валют арилжааны төвд ам.долларын авах ханш 2849.00 төгрөг, зарах нь 2851.00 төгрөг байна. Харин рублийн авах ханш 39.00, зарах ханш 39.50, юанийн авах ханш 440.50, зарах ханш 441.50, вонийн авах ханш 2.48, зарах ханш 2.50 төгрөг байна.
Өнөөдөр болох онцлох үйл явдлууд:
- 08.00 цагт Засгийн газрын хуралдаантай.
- 11.00 цагт ЭМЯ "COVID-19"-ийн талаар ээлжит мэдээллээ хийнэ.
- 12.30 цагт Хуульч Батжав Хэнтийн нөхөн сонгуульд МАН-аас нэр дэвших хүсэлтээ Намынхаа удирдах зөвлөлд өгнө.
- 13.00 цагт "Ард түмний штаб"-аас Шатахууны үнийг бууруулах талаар Ерөнхий сайдад албан шаардлага хүргүүлнэ.
Энэ өдөр дэлхийн түүхэнд:
- Бүгд Найрамдах Чад Улс 1960 онд Францаас салан тусгаарлаж, албан ёсоор Бүгд Найрамдах засаглалтай болжээ.
- Өнөөдөр Пакистан улсад Үндэсний далбааны өдөр тохиож байгаа юм байна.
- Япон улсад жил бүрийн энэ өдрийг "Уулын өдөр" болгон тэмдэглэдэг аж.
- 1920 оны энэ өдөр Америкийн домогт дуучин, алдарт ток шоуны хөтлөгч Mike Douglas мэндэлж байжээ.
- 2012 онд Иран улсын Табриз мужийн ойролцоо хоёр удаа хүчтэй газар хөдөлж, 306 хүн амь насаа алдаж, 3000 гаруй хүн бэртэж гэмтсэн хэрэг гарч байжээ.
