Өнөөдөр Улаанбаатар хотод +24 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр наймдугаар сарын 10
Өглөөд заавал мэдэж байх ёстой зүйлүүд:
- Өнөөдөр бол жилийн 222 дахь өдөр бөгөөд он дуусахад 145 хоног үлдлээ.
- Цаг агаар өдөртөө +24 градусын дулаан, үүлэрхэг, шөнөдөө +10 градус дулаан, үүлшинэ.
- Билгийн тооллын 2. Ангараг гараг. Бага морь одтой, цагаан бар өдөр. Өдрийн наран 5 цаг 41 минутад мандан, 20 цаг 14 минутад жаргана. Тухайн өдөр нохой, морь жилтнээ аливаа үйлийг хийхэд эерэг сайн. Бич тахиа жилтнээ сөрөг муу нөлөөтэй. Үс шинээр үргээлгэх буюу засуулбал хэл ам, хэрүүл тэмцэл ирнэ хэмээжээ.
- Валют арилжааны төвд ам.долларын авах ханш 2849.00 төгрөг, зарах нь 2851.00 төгрөг байна. Харин рублийн авах ханш 39.00, зарах ханш 39.50, юанийн авах ханш 440.50, зарах ханш 441.50, вонийн авах ханш 2.48, зарах ханш 2.50 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордны Сүхбаатар танхимд Инновац, цахим бодлогын байнгын хороо, Хууль зүйн байнгын хорооны гишүүдийн санаачлагаар "Нийтийн мэдээллийн тухай", "Хүний хувийн мэдээллийг хамгаалах тухай" хуулийн төслүүдийн олон нийтийн хэлэлцүүлэг зохион байгуулна.
- 11.00 цагт ЭМЯ "COVID-19"-ийн талаар ээлжит мэдээллээ хийнэ.
- 11.30 цагт Барилга, хот байгуулалтын яамны гадна "Xангай", "Буянт-ухаа-2" хотхоны оршин суугчид TOCK-н хууль бус гэрээний талаар хэвлэлийн бага хурал хийнэ.
- 11.40 цагт ЗТХЯ-ны сайд Л.Халтарын хууль бус гэрээ, үйлдлийн талаар Авто тээвэр, Авто замын мэргэжлийн холбоод иргэд эсэргүүцлээ илэрхийлэн шаардлага хүргүүлнэ.
Энэ өдөр дэлхийн түүхэнд:
- Өнөөдөр Индонезид Цагаан хоолтнуудын өдөр тохиож байна.
- 1997 оны энэ өдөр алдарт Кардишианы эгч дүүсийн хамгийн бага нь болох Кайли Женнер мэндэлжээ. Тэрээр загвар өмсөгч, реалити шоу, нийгмийн сүлжээний “од” юм.
- 2003 онд Японы гол монорэйл шугамуудын нэг болох "Okinawa Monorail" нээлтээ хийжээ.
