Өнөөдөр Улаанбаатар хотод +20 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр наймдугаар сарын 4-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 216 дахь өдөр бөгөөд он дуусахад 149 хоног үлдлээ.
- Цаг агаар Улаанбаатарт өдөртөө +20 градусын дулаан, бага зэргийн үүлтэй, шөнөдөө +11 градус дулаан байна.
- Билгийн тооллын 26. гараг. Гөрөөсөн толгой одтой, хөх бич өдөр. Өдрийн наран 5 цаг 33 минутад мандан, 20 цаг 24 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулахад жаргал үргэлж ирнэ.
- Манай улсад голлон ашигладаг ам.долларын авах ханш 2848.00 төгрөг, зарах нь 2851.00 төгрөг байна. Харин рублийн авах ханш 39.00, зарах нь 39.50, юанийн авах ханш 441.40, зарах ханш 442.00, вонийн авах нь 2.47, зарах нь 2.49 төгрөг байна.
Өнөөдөр болох онцлох үйл явдлууд:
- 11.00 цагт ЭМЯ коронавирусийн нөхцөл байдлын талаарх тоон мэдээлэл өгнө.
- 11.00 Иргэн Г.Ган-Очир аавынхаа нас барсан шалтгаан, мөн НӨАТ-ын сугалааны 175 тэрбум төгрөгийн талаар мэдээлэл хийнэ.
- 12.00 цагт Нобелийн шагналт зохиолч Херманн Хессегийн "Сиддхарта" номын нээлт Интерном дэлгүүрийн Төв салбарт болно.
Энэ өдөр дэлхийн түүхэнд:
- 1961 оны энэ өдөр Барак Обама мэндэлжээ.
- Мөн 1987 оны энэ өдөр БНСУын дуучин, жүжигчин Jang Keun-suk мэндэлжээ.
- 1924 онд Мексик болон ЗХУ дипломат харилцаа тогтоож байжээ.
- 1947 онд Японы Дээд шүүх байгуулагдаж байжээ.
- 2007 онд НАСА "Phoenix" хэмээх сансрын хөлгөө сансарт хөөргөжээ.
- 1977 онд АНУ-ын 39 дэх Ерөнхийлөгч Жимми Картер АНУ-ын Эрчим хүчний яамыг байгуулах хууль тогтоомжид гарын үсэг зурж байсан аж.
