Өнөөдөр гадаа 27 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 205 дахь өдөр бөгөөд он дуусахад 160 хоног үлдлээ.
- Цаг агаар өдөртөө 28 хэмийн дулаан бол шөнөдөө 16 градус дулаан байх нь ээ.
- Билгийн тооллын 15, Санчир гараг. Булаагч одтой, нэг цагаан мэнгэтэй, харагчин тахиа өдөр. Өдрийн наран 5 цаг 19 минутад мандан, 20 цаг 39 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Хүүхдийн сэвлэг үргээлгэх буюу үс засуулбал өлзийтэй сайн хэмээжээ.
- Манай улсын голлох валют болох ам.долларын ханш авах нь 2848.00, зарах нь 2850.00 төгрөгтэй тэнцэж байгаа бол бусад валют болох рубль авах нь 38.00, зарах нь 38.80, харин юань авах нь 439.00, зарах нь 440.50 вон авах нь 2.45, зарах нь 2.48 төгрөг байна.
Өнөөдөр болох онцлох үйл явдлууд:
- 11.00 цагт ЭМЯ-наас шинэ коронавирусний нөхцөл байдлын талаар мэдээлнэ.
- 12.00 цагт буудлагын Э.Даваахүү олимпод цэц сорино. Жүдо 48 кг-д М.Уранцэцэг, 60 кг-д Д.Амартүвшин барилдана.
Энэ өдөр дэлхийн түүхэнд:
- Өнөөдөр Польш улсад Цагдаа нарын баярын өдөр тохиож байна.
- Мөн өнөөдөр Венесуэлд Усан цэргийн баярын өдөр тохиож буй.
- 1982 оны энэ өдөр Канадын алдарт жүжигчин, Brookstreet Pictures кино студийг үүсгэн байгуулагч Trevor Matthews мэндэлжээ.
- 1990 оны энэ өдөр Английн дуучин, Их Британийн "The wanted" хамтлагийн дуучин Jay McGuiness мэндэлжээ.
- 1977 онд Ливи болон Египетийн дөрвөн хоногийн турш үргэлжилсэн дайн эцэс болжээ.
- 1982 онд Японд ширүүн аадар бороо орсны улмаас Nagasaki дахь гүүр эвдэрч 299 хүн амь насаа алдаж байжээ.
