Өнөөдөр бороо орно. Бүрхэг өдөр болох ч 20-22 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 174 дахь өдөр бөгөөд он дуусахад 191 хоног үлдлээ.
- Цаг агаар өдөртөө 22 хэмийн дулаан бол шөнөдөө 12 градус дулаан байх нь ээ.
- Билгийн тооллын 12. Ангараг гараг. Онгоц одтой, зургаан цагаан мэнгэтэй, цагаагчин үхэр өдөр. Өдрийн наран 4 цаг 53 минутад мандан, 20 цаг 55 минутад жаргана. Тухайн өдөр могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Халууны ес эхэлнэ. Хүүхдийн сэвлэг үргээлгэх буюу үс засуулбал тохиромжгүй хэмээжээ.
- Манай улсын голлох валют болох ам.долларын авах ханш 2850.00 зарах нь 2853 төгрөгтэй тэнцэж байгаа бол бусад валют болох рубль авах нь 39.30, зарах нь 40 төгрөгтэй, юанийн авах дүн 440.00, зарах нь 442.00 төгрөг, вонын авах нь 2.51 зарах нь 2.54 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- Төрийн ордонд УИХ-ын Байнгын хороод хуралтай.
Энэ өдөр дэлхийн түүхэнд:
- Өнөөдөр бол НҮБ-ын Сайн дурынхны олон улсын өдөр.
- 2014 онд Сирийн зарласан хамгийн сүүлийн химийн зэвсгийг устгалд оруулжээ.
- 1985 онд нэгэн террорист Ирландад газардсан Энэтхэгийн 182 дугаар агаарын нислэгийн Boeing 747 онгоцонд бөмбөг дэлбэлж, 329 хүний амь насыг хороожээ.
