Зургадугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 172 дахь өдөр бөгөөд он дуусахад 193 хоног үлдлээ.
- Цаг агаар өдөртөө 26 хэмийн дулаан бол шөнөдөө 14 градус дулаан байх нь ээ.
- Билгийн тооллын 11, хонгорцог одтой цагаан хулгана өдөр. Нар дөрвөн цаг 53 минутад мандаж, 20 цаг 55 цагт жаргана. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан,гөрөө хийх, мал, адгуус муулах, гарагийг тахих, хүүхэд үрчлэн авах, хур оруулах, дархны үйлд сайн. Өнөөдөр үсээ авахуулах буюу засуулбал нас уртсах гэнэ.
- Манай улсын голлох валют болох ам.долларын авах ханш 2849.00 төгрөгтэй тэнцэж байгаа бол зарах нь 2853 байна. Бусад валют болох рубль авах нь 39.00, зарах нь 40, юань авах нь 441.00, зарах нь 444.00 төгрөг байна. Мөн вонын авах ханш 2.51 зарах нь 2.54 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас цаг үеийн мэдээлэл хийнэ.
- Төрийн ордонд байнгын хороод хуралдана.
- АН-аас үндэсний эмгэнэлийн өдөр зарлах талаар мэдээлэл хийнэ.
- УОК-ын шийдвэрийн улмаас хоёр жилийн турш "Topic"-ийн шалгалтаа өгч чадахгүй байгаа 3000 гаруй иргэний төлөөлөл БШУЯ-д шаардлага хүргүүлнэ.
Энэ өдөр дэлхийн түүхэнд:
- ЗХУ-ын хөгжмийн зохиолч, дуучин, хөгжимчин, жүжигчин, барималч, сийлбэрч, "Кино" хамтлагийг үүсгэн зохион байгуулагч, ахлагч нь байсан Виктор Цой 1962 оны энэ өдөр мэндэлж байжээ.
- Өнөөдөр Иогийн олон улсын өдөр тохиож байна.
- Түүнчлэн хүмүүнлэг үзэлтний олон улсын өдөр тохиож байгаа аж.
- 1987 оны энэ өдөр БНСУ-ын алдарт Super junior хамтлагийн дуучин, жүжигчин Kim Ryeowook мэндэлжээ.
- 2013 онд амиа золиослогч Пакистанд бөмбөг тэсэлж, 15 хүний амийг авч оджээ. Мөн энэ үеэр 20 гаруй хүн бэртэж гэмтжээ.
- 2006 онд Дэлхий ван гаригийн хамгийн сүүлд нээгдсэн 2 сарыг Nix болон Hydra хэмээн албан ёсоор нэрлэжээ.
