Өнөөдөр гадаа 30 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 165 дахь өдөр бөгөөд он дуусахад 200 хоног үлдлээ.
- Цаг агаар өдөртөө 30 хэмийн дулаан бол шөнөдөө 14 градус дулаан байх нь ээ.
- Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Зуны дунд хөх морь сарын шинийн 4. Сумъяа гараг. Найралт эх одтой, таван шар мэнгэтэй, харагчин могой өдөр. Дашнямтай өдөр. Өдрийн наран 4 цаг 52 минутад мандан, 20 цаг 52 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр элдэв зүйл хийхэд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал сайн бөгөөд бие эрхтний хүч сайжирна хэмээжээ.
- Манай улсын голлох валют болох ам.долларын ханш авах нь 2852.00, зарах нь 2854,00 төгрөгтэй тэнцэж байгаа бол бусад валют болох рубль авах нь 39.70, зарах нь 40.50, харин юань авах нь 446.80, зарах нь 447.80, вон авах нь 2.53, зарах нь 2.55 төгрөг байна.
Өнөөдөр болох онцлох үйл явдлууд:
- 11.00 цагт ЭМЯ-наас мэдээлэл хийнэ
Энэ өдөр дэлхийн түүхэнд:
- 1944 онд АНУ-ын Агаарын хүчин Японыг бөмбөгдөж эхэлжээ.
- 1945 онд Фашист Германы ГХЯ-ны сайд Иоахим Риббентропыг зугтаж явахад нь Гамбург хотоос баривчилжээ.
- 1951 онд АНУ-д дэлхийн анхны компьютер “UNIVAC 1” худалдаанд гарч эхэлжээ.
- 1956 онд Английн цэрэг Суэцийн хоолойг орхижээ.
- 1962 онд Парис хотод 30 хүн Францын ерөнхийлөгч Шарль де Голлийн амь насанд халдахыг завдсан хэргээр баривчлагджээ.
- 1982 онд Фолклендийн дайн дуусжээ.
- 1985 онд Шенгений гэрээ байгуулагджээ.
