Өнөөдөр гадаа 11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 159 дахь өдөр бөгөөд он дуусахад 206 хоног үлдлээ.
- Цаг агаар өдөртөө 11 хэмийн дулаан бол шөнөдөө 6 градус дулаан, бороотой байх нь ээ.
- Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Зуны тэргүүн харагчин могой сарын 28. Ангараг гараг. Нэгэн эхийн зургаан хөвгүүн одтой, хоёр хар мэнгэтэй, улаагчин гахай өдөр. Өдрийн наран 4 цаг 54 минутад мандан, 20 цаг 49 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хараал жатгыг буцаах, нялхсын хурим хийх, хийморийн дарцаг хатгахад сайн. Газар ухах, худаг гаргах, уул, овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал хэрүүл тэмцэл ирнэ хэмээжээ.
- Манай улсын голлох валют болох ам.долларын ханш авах нь 2849.00, зарах нь 2852,00 төгрөгтэй тэнцэж байгаа бол бусад валют болох рубль авах нь 39.30, зарах нь 39.60, харин юань авах нь 446.00, зарах нь 446.80, вон авах нь 2.53, зарах нь 2.55 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 11:00 цагт “Монголын Тээвэр Зуучлагчдын Нэгдсэн Холбоо” ТББ-аас “Монгол Улсын Ачаа тээврийн цаг үеийн нөхцөл байдал” сэдвээр хэвлэлийн бага хурлыг Монгол ньюс мэдээллийн төвд зарлаж байна. Уг хурлаар БНХАУ-ын Тяньжин боомт дээрх тээвэрлэлтийн нөхцөл байдал, чингэлгийн бөөгнөрөл, төмөр замын тээвэрлэлт, Далайн тээвэрлэлтэд баримтлагдах шинэ журам болон түүний үр дагавар, Эрээн- Замын-Үүд боомтын авто тээврийн нөхцөл байдал, Алтанбулаг боомтын ачаа тээвэрлэлтийн талаар мэдээлэл хийх юм.
- 11:40 цагт Засгийн газрын ээлжит хуралдаанаас гарсан шийдвэрийг танилцуулна.
Энэ өдөр дэлхийн түүхэнд:
- Өнөөдөр Тархины хорт хавдартай тэмцэх дэлхийн өдөр тохиож байна.
- 1977 оны энэ өдөр Америкийн реппер, продюсер Kanye West мэндэлжээ.
- 1984 онд Австралийн муж улсууд ижил хүйстнүүдийг ялгаварлан гадуурхахгүй байх хуулийг баталжээ.
- 2014 онд Пакистаны онгоцны буудал дээр болсон гэмт халдлагын улмаас 28 орчим хүн нас баржээ.
