Өнөөдөр гадаа14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Тавдугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 146 дахь өдөр бөгөөд он дуусахад 219 хоног үлдлээ.
- Өнөөдөр Бурхан багшийн их дүйчин өдөр.
- Цаг агаар өдөртөө 14 хэмийн дулаан бол шөнөдөө хоёр градус дулаан байх нь ээ.
- Билгийн тооллын 15. Буд гараг. Онгоц одтой, зургаан цагаан мэнгэтэй, хөх нохой өдөр. Сар хиртэнэ. 20 цаг 34 минутаас 21 цаг 49 минутын хооронд үргэлжлэх ба оргил үе нь 20 цаг 38 минутанд харагдана. Өдрийн наран 5 цаг 02 минутад мандан, 20 цаг 37 минутад жаргана. Тухайн өдөр бар жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Хүүхдийн сэвлэг үргээлгэх буюу үс засуулбал өлзийтэй сайн хэмээжээ.
- Манай улсын голлох валют болох ам.долларын ханш авах нь 2850.00, зарах нь 2853,00 төгрөгтэй тэнцэж байгаа бол бусад валют болох рубль авах нь 38.50, зарах нь 39.00, харин юань авах нь 444.50, зарах нь 445.50, вон авах нь 2.51, зарах нь 2.53 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 12.00 цагт "Ард түмний штаб"-аас Сүхбаатарын талбайн төв цэгт Ерөнхийлөгчийн сонгуульд нэр дэвшүүлж буй гурван нам, нэр дэвшигчдэд хандаж найман төрлийн хүсэлт өгнө.
- 13:00 цагт Баянгол дүүргийн Агро парк-д Баянгол дүүргийн иргэд, өрх бүрд ГЭР БҮЛИЙН “ДУРСАМЖ” ТӨГӨЛ-ийн нээлт болно.
Энэ өдөр дэлхийн түүхэнд:
- Өнөөдөр Данийн вант улсын Фредерик Хунтайжийн төрсөн өдөр тохиож байна.
- Мөн өнөөдөр Польш улсад Ээжүүдийн баяр тохиож байгаа юм байна.
- 1972 онд Виландра үндэсний цэцэрлэгт хүрээлэн Австралид нээгджээ.
- 2008 онд БНХАУ-д болсон хүчтэй үерийн улмаас 148 хүн амь насаа алдаж, 1.3 сая иргэнийг нүүлгэн шилжүүлж байжээ.
