Гуравдугаар сарын 12-ны өдөр
Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 71 дахь өдөр бөгөөд он дуусахад 294 хоног үлдлээ.
- Цаг агаар өдөртөө 11 градусын хэмийн дулаан бол шөнөдөө 3 градус хүйтэн байх нь ээ.
- Билгийн тооллын 29, Чөдөр одтой, шарагчин хонь өдөр. Өдрийн наран 07 цаг 11 минутад мандан, 18 цаг 52 минутад жаргана. Өнөөдөр үсээ авахуулах буюу засуулбал тохиромжгүй. Энэ өдөр гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш авах нь 2829.00, зарах нь 2852.00 төгрөгтэй тэнцэж байгаа бол бусад валют болох рубль авах нь 38.20, зарах нь 38.90, юанийн авах ханш 438.60, зарах нь 439.50, вонын авах нь 2.53, зарах нь 2.55 төгрөгтэй тэнцэж байна.
Өнөөдөр болох онцлох үйл явдлууд:
- 11.00 цагаас ЭМЯ-наас коронавирусийн нөхцөл байдлын талаар мэдээлэл хийнэ.
- 11.30 цагаас "Үндэсний мэдээллийн төв"-д Хууль шүүхийн байгууллагын ажилтнуудын ёс зүйгүй үйлдэлд хариуцлага тооцуулах тухай МАХН-ын гүйцэтгэх товчооны гишүүн Э.Эрдэнэжамъян, Л.Мөнхсайхан,З.Баянсэлэнгэ нар мэдээлэл хийнэ.
- 12.00 цагаас "Үндэсний мэдээллийн төв"-д Ковидын түр хуулийн нөлөө ломбардны эрх ашгийг хохироож байгаа тухай Барьцаалан зээлдүүлэх бизнес эрхлэгчдийн эвсэл холбооноос мэдээлэл хийнэ.
Энэ өдөр дэлхийн түүхэнд:
- 2011 онд хүчтэй газар хөдлөлт болон цүнамигаас нэг өдрийн дараа Фүкүшима Дайичи цөмийн цахилгаан станцын ойр хавьд цацраг идэвхит бодис алдагдаж эхлэв.
- 2004 онд Өмнөд Солонгосын Ерөнхийлөгч Ро Мүү Хёныг тус улсын Үндэсний Ассемблей огцруулах шийд гаргав. Энэ нь Өмнөд Солонгосын түүхэнд анхны тохиолдол болсон юм.
- 2003 онд Дэлхийн эрүүл мэндийн байгууллага дэлхий даяар САРС буюу шувууны ханиад тархаж, аюултай нөхцөлд хүрсэнийг анхааруулжээ.
- 1999 онд Варшавын гэрээнд нэгдэж байсан Чех болон Унгар, Польш улсууд НАТО буюу Умард Атлантын цэргийн эвсэлд нэгдэн оржээ.
- 1994 онд Английн төв сүм анх удаагаа эмэгтэй санваартнуудыг авч эхлэв.
- 1933 онд Их хямрал: АНУ-ын Ерөнхийлөгч Франклин Д.Рүүзвельт ерөнхийлөгчийн хувиар анхны мэдэгдэлээ хийжээ. Тэрээр хүнд хэцүү цаг үед бүсээ чангалж, сэтгэлийн хатаар даван туулахыг уриалсан юм.
- 1930 онд Энэтхэгт Их Британи улс давсны худалдаан дээр ноёрхож байгааг эсэргүүцэн тэмцэгч Махатма Ганди тэнгисийн эрэг дагуу 200 миль газар "Давсны жагсаал"-ыг зохион байгуулав.
