Өнөөдөр гадаа 5 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 05-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 64 дахь өдөр бөгөөд он дуусахад 301 хоног үлдлээ.
- Цаг агаар өдөртөө 5 хэмийн дулаан бол шөнөдөө -20 градус хүйтэн байх нь ээ.
- Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Хаврын тэргүүн цагаан бар сарын шинийн 22. Сугар гараг. Онгоц одтой, долоон улаан мэнгэтэй хар хулгана өдөр. Өдрийн наран 7 цаг 25 минутад мандан, 18 цаг 42 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэв дэвших, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тавих, борь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал сайн бөгөөд идээ ундаа элбэг олдоно хэмээжээ.
- Найман шарга” валют арилжааны төвд ам.долларын авах ханш 2,848.00 төгрөг, зарах нь 2852.00 төгрөг байна. Харин рублийн авах ханш 38.10, зарах ханш 38.80, юанийн авах ханш 441.20, зарах ханш 442.50, вонийн авах ханш 2.58, зарах ханш 2.60 төгрөг байна
Өнөөдөр болох онцлох үйл явдлууд:
- 10:00 цагт МСНЭ-ээс МУИС-ийн 1-р байрны “Дугуй танхим”-д Үндэсний сэтгүүл зүйн 108 жил, МСНЭ-ийн 70 жилийн ойг тохиолдуулан ахмад сэтгүүлчдэд хүндэтгэл үзүүлж, шагнал гардуулах ёслолын арга хэмжээг зохион байгуулна. Холбогдох утас: 99097968, 9411172711:30 цагаас
- 11:00 цагаас ЭМЯ-наас коронавирусийн нөхцөл байдлын талаар мэдээлэл хийнэ.
- “Үндэсний мэдээллийн төв”-д Монголын эмэгтэйчүүдийн хөдөлмөрийг дэмжих холбоо ТББ-аас Хөдөлмөр эрхлэлтийн бодлого эмэгтэйчүүдэд өгөөжгүй байгаа тухай мэдээлэл хийнэ.
- -12:00 цагаас “Үндэсний мэдээллийн төв”-д Монголын шатахуун хэрэглэгчдийн холбооноос Хуурамч шатахуун ба үнийн асуудлаар мэдээлэл хийнэ.
Энэ өдөр дэлхийн түүхэнд:
- 1984 онд Британийн зургаан мянган уурхайчин ажил хаялт зарлав.
- 1982 онд Зөвлөлийн "Венера 14" хөлөг Сугар гараг дээр газарджээ.
- 1981 онд Британийн "Синклейр" судалгааны хүрээлэнгийн зохион бүтээсэн гэрт байрлуулах боломжтой анхны компьютер болох ZX81 загварыг худалдаанд гаргаж дэлхий даяар 1.5 сая хувь борлогдсон байна.
- 1970 онд Цөмийн зэвсэг үл дэлгэрүүлэх гэрээнд 43 улс нэгдэн оржээ.
- 1965 онд Британийн колоничлолын эсрэг зүүний үзэлтнүүдийн бослого Бахрейн улсад болов.
- 1963 онд Америкийн кантри урсгалын нэр хүнд бүхий одод болох Петци Клайн, Хокшоу Хоукинс, Каубой Копас нар Теннесий мужийн Камден хотод онгоцны ослоор өөд болжээ.
- 1946 онд Их Британийн Ерөнхий сайд Уинстон Черчилль АНУ-д айлчлах үеэрээ Миссури мужийн Уэстминстер коллежид илтгэл тавьжээ. Илтгэлдээ тэрээр "Төмөр хөшиг" гэх үгийг анхлан ашигласан юм.
