3 дугаар сарын 04-ний өдөр
Өнөөдөр гадаа 6 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 63 дахь өдөр бөгөөд он дуусахад 302 хоног үлдлээ.
- Цаг агаар өдөртөө -6 хэмийн хүйтэн бол шөнөдөө -11 градус хүйтэн байх нь ээ.
- Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Хаврын тэргүүн цагаан бар сарын шинийн 20. Бархасвадь гараг. Хонгорцог одтой, найман цагаан мэнгэтэй цагаагчин гахай өдөр. Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ.
- Манай улсын голлох валют болох ам.долларын авах ханш 2848.00 зарах нь 2852.00 төгрөгтэй тэнцэж байгаа бол бусад валют болох юань авах нь 441.20, зарах нь 442.50, рубль авах нь 38.10, зарах нь 38.80, вон авах нь 2.58, зарах нь 2.60 төгрөг байна.
Өнөөдөр болох онцлох үйл явдлууд:
- 10.00 цагт Улаанбаатар хотын 2040 он хүртэлх хөгжлийн ерөнхий төлөвлөгөө боловсруулах ажлын хүрээнд мэргэжлийн байгууллага, эрдэмтэн, судлаачдын дунд аялал, жуулчлал, түүх соёл сэдвийн хүрээнд цахим хэлэлцүүлэг болно. Оролцох линк https://forms.gle/WD2EBMm1VYTQoeEF7
- 11.00 цагт Эрүүл мэндийн яамнаас коронавирусний тандалт судалгаа, цаг үеийн асуудлаар мэдээлэл хийнэ.
- 18.00 цагт Анна каренина дахин тайзнаа
Энэ өдөр дэлхийн түүхэнд:
- 1986 оны энэ өдөр алдарт "Инстаграм" сүлжээг үндэслэгч Майк Кригер мэндэлжээ.
- 2001 онд Их Британийн Лондон хотод байрлах BBC телевизийн төв байранд бөмбөг дэлбэрчээ. Дэлбэрэлтийн улмаас хүний амь нас эрсдээгүй бөгөөд нэг хүн маш хүнд гэмтэл авчээ. Уг халдлагыг Шинэ Ирландын бүгд найрамдах арми зохион байгуулсан болохоо хүлээсэн байна.
- 1996 онд АНУ-ын Висконсин мужийн Веяавега хотод галт тэрэг осолдов. Аврах албаныхан 16 өдөр аврах ажиллагаа явуулсны дүнд 2,300 хүнийг аварч чаджээ.
- 1986 онд ЗХУ-ын "Вега 1" сансрын хөлөг Хейлигийн сүүлт одны зургийг авч эх дэлхий рүү илгээв.
- 1980 онд Зимбабве улсын Ерөнхий сайдаар үндэсний хөдөлгөөний тэргүүн Роберт Мугабе сонгогдож, тус улсын анхны хар арьст ерөнхий сайд болсон байна.
- 1974 онд Америкийн алдарт "People" сэтгүүл анхны дугаараа хэвлэлтэд гаргав.
- 1933 онд АНУ-ын Хөдөлмөрийн сайдаар Францес Перкинс томилогдов. Тэрээр АНУ-ын Засгийн газарт багтсан анхны эмэгтэй улстөрч болсон юм.
