Өнөөдөр гадаа -0 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 61 дахь өдөр бөгөөд он дуусахад 304 хоног үлдлээ.
- Цаг агаар өдөртөө 0 хэмийн дулаан бол шөнөдөө -15 градус хүйтэн байх нь ээ.
- Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Хаврын тэргүүн цагаан бар сарын шинийн 18. Ангараг гараг. Тэргүүн дагуул одтой, нэг цагаан мэнгэтэй шарагчин тахиа өдөр. Мод суулгах, нарийн зөвлөгөө хийхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Хүүхдийн сэвлэг үргээлгэх буюу үс засуулахад тохиромжгүй бөгөөд эд малын гарлагатай.
- Манай улсын голлох валют болох ам.долларын авах ханш 2848.00, зарах нь 2852.00 төгрөгтэй тэнцэж байна. Энэ өдөр рублийн авах үнэ 38.10, зарах нь 38.80, юанийн авах үнэ 441.20, зарах нь 442.50, вонын ханш авах нь 2.58, зарах нь 2.60 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас коронавиусийн нөхцөл байдлын талаар мэдээлэл хийнэ.
- 14.00 цагт Ард түмний штабын тэргүүн Б.Жагар Ерөнхийлөгч, Ерөнхий сайд, УИХ-ын даргад шаардлага хүргүүлнэ. Мөн тэрбээр Төрийн ордны баруун хаалганы дэргэд арилжааны банкууд жилийн гурван хувийн хүүтэй зээл олгохоор болсон холбоотойгоор байр сууриа илэрхийлж, мэдээлэл хийнэ.
Энэ өдөр дэлхийн түүхэнд:
- 1498 онд алдарт аялагч Васко де Гама Мозамбикийн аралд хүрсэн анхны хүн болжээ.
- 1561 онд Испанийн эзлэн түрэмгийлэгч Педро дел Кастийо Аргентины Мендоза хотын үндэс суурийг тавив.
- 1903 онд зөвхөн эмэгтэйчүүдэд үйлчлэх зорилготой "Марта Вашингтон" зочид буудал үүдээ нээжээ.
- 1882 онд Уиндсорын шилтгээнд Их Британийн хатан хаан Викториагийн амь насанд халдахыг завдав. Уг халдлагыг Родерик МакЛийн гэгч үйлджээ.
- 1919 онд Коминтерний анхны хуралдааны шийдвэрээр ЗХУ-ын нийслэлийг Москва хотноо болов.
- 1949 онд Америкийн нисэх хүчний ахмад Жеймс Галлагер B-50 өндөр хурдны онгоцоор 94 цаг 1 минутын туршид тасралтгүй нислэг үйлдсэн анхны хүн болжээ.
- 1956 онд Морокко улс Францаас тусгаар тогтножээ.
- 1983 онд АНУ-ын зах зээлд "компакт диск" буюу CD-г анх удаа худалдаалж эхлэв. Өмнө нь зөвхөн Японы зах зээлд худалдагдаж байжээ.
- 1990 онд Африкын үндэсний конгрессын дэд даргаар Нелсон Мандела сонгогдов.
- 1998 онд Бархасбадь гарагийн дагуул Европаг судлах зорилготой Галилео хөлөг тус дагуулд усархаг өтгөн бодис, мөсний ул мөрийг илрүүлжээ.
