Коронавирусийн халдвар авч, эмчлэгдэж байсан нэг иргэн өчигдөр нас баржээ. Тодруулбал, Тухайн иргэний биеийн байдал нэн хүнд байсан бөгөөд 2021 оны хоёрдугаар сарын 14-нд онош батлагдсан. Халдвартын клиникт ирэх үедээ биеийн байдал нь маш хүнд ирж хэвтсэн бөгөөд биеийн байдал нь нэн хүнд байж байгаад хоёрдугаар сарын 17-ны өдрийн 12:56 цагт эндсэн байна. Талийгаач хавсарсан, үсэрхийлсэн хавдартай, хавдрын хордлого, уургийн дутагдал, тураал, олон эрхтэний үйл ажиллагааны алдагдлаар нас барсан. Онош нь ходоод, бүдүүн гэдэсний хожуу үеийн хавдар, элэг тунгалагийн булчирхайн үсэрхийлсэн хавдар, коронавирусийн халдвар хүндэвтэр явцтай байжээ.