Bloomberg Billionaires Index-ийн жагсаалтаар Amazon компанийг үндэслэгч Жефф Безос дэлхийн хамгийн баян хүмүүсийг тэргүүллээ. Энэ жагсаалтын нэгдүгээрт “Tesla” компанийн эзэн Илон Маска сар гаруй хугацаанд бичигдэж байжээ. Bloomberg Billionaires Index агентлагийн хамгийн сүүлийн мэдээллээр Безосын хөрөнгө 191 тэрбум, Маскийнх 190 тэрбум доллар байжээ. Ийнхүү Безос 2017 оноос 2021 оны 1-р сарын 7-н хүртэл эзэлж байсан тэргүүн байраа Маскаас эргүүлэн авав. Жагсаалтын гуравдугаарт 137 тэрбум долларын хөрөнгөтэй “Мicrosoft”-ийг үндэслэгч Билл Гейтс, дөрөвт “Louis Vuitton Moët” компанийн ерөнхийлөгч Хеннесси Бернард Арно 116 тэрбум долларын хөрөнгөөрөө орсон байна. Дэлхийн хамгийн баян таван хүний жагсаалтыг “Facebook”-ийг үндэслэгч Марк Цукерберг 104 тэрбум долларын хөрөнгөөрөө дугуйлжээ.
