Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 10-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 314 дахь өдөр бөгөөд он дуусахад 51 хоног үлдлээ.
- Цаг агаар өдөртөө 8 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 25. Мягмар гараг. Бага морь одтой, таван шар мэнгэтэй, улаагчин могой өдөр. Өдрийн наран 7 цаг 51 минутад мандан, 17 цаг 21 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой.
- Үс шинээр үргээлгэх буюу засуулахад тохиромжгүй хэмээжээ.
- “Найман шарга” валют арилжааны төвд ам.долларын авах ханш 2,848.00 төгрөг, зарах нь 2852.00 төгрөг байна. Харин рублийн авах ханш 36.80, зарах ханш 37.80, юанийн авах ханш 429.00, зарах ханш 430.00, вонийн авах ханш 2.51, зарах ханш 2.53 төгрөг байна.
Өнөөдөр болох онцлох үйл явдлууд:
- 10.00 цагт МҮХАҮТ-д "Монголын чацаргана-дэлхийн зах зээлд" кластерын анхдугаар форум эхэлнэ.
- 10.00 цагт ШУА-ийн Хүрээлэнгийн нэгдсэн II байранд Монгол дахь ЮНЕСКО-ийн Зүүн Төв Азийн Хүрээлэн буй орчны шинжлэх ухааны асуудал хариуцсан тэнхмийн эрхлэгчээр томилогдсон доктор, профессор Михаель Вальтерыг батламжлах ёслол болно. Утас: 99717977
- 11.00 цагт Ерөнхий сайд У.Хүрэлсүх МХЕГ-ын ажилтай танилцана.
- 15.00 цагт Эрүүл мэндийн хөгжлийн төвд Донорын тухай хууль болон эрхтэн шилжүүлэн суулгах эмчилгээний талаар олон нийтэд таниулан ойлгуулах, Донорын зөвшөөрлийн карт гардуулах “АМЬДРАЛ БЭЛЭГЛЭЕ” өдөрлөг болно. Утас: 88027947
Төрийн ордонд
- 09.00 цагт “Жанжин Д.Сүхбаатар” танхимд Үйлдвэржилтийн бодлогын байнгын хороо хуралдана.
- 10.00 цагт “Их Эзэн Чингис хаан” танхимд Эдийн засгийн байнгын хороо хуралдана.
- 11.00 цагт “Жанжин Д.Сүхбаатар” танхимд Төсвийн байнгын хороо хуралдана.
- 11.30 цагт “Үндсэн хууль” танхимд Ёс зүй, сахилга хариуцлагын байнгын хороо хуралдана.
- 12.00 цагт Боловсрол, соёл, шинжлэх ухаан, спортын байнгын хорооноос цаг үеийн асуудлаар мэдээлнэ.
- 14.00 цагт “Жанжин Д.Сүхбаатар” танхимд Хууль зүйн байнгын хороо хуралдана.
- 15.30 цагт “Их Эзэн Чингис хаан” танхимд Төрийн байгуулалтын байнгын хороо хуралдана.
“Монгол ньюс” мэдээллийн төвд
- 11.00 цагт Гадаадын хөрөнгө оруулалттай компаниудын эрх ашгийг хамгаалах түр хорооноос Засгийн газраас гадаад ажилтнуудыг нэмэлтээр оруулж ирэхийг хориглох шийдвэр гаргасан талаар мэдээлнэ.
- 11.30 цагт Ард түмний нэгдлээс ҮАБЗ-д гадаадаас ажиллах хүч оруулж ирэхтэй холбоотой асуулга хүргүүлэх талаар мэдээлнэ.
Энэ өдөр дэлхийн түүхэнд:
- 1977 оны энэ өдөр Өмнө Солонгосын жүжигчин Вонь Бинь мэндэлжээ.
- 1982 оны энэ өдөр Орос-Украйны генерал, улс төрч, ЗХУ-ын агуу удирдагч, тэргүүн, Коммунист намын ерөнхий нарийн бичгийн дарга Леонид Брежнев таалал төгсчээ.
- 1989 оны энэ өдөр Герман Берлины ханыг нурааж эхэлжээ.
- 2009 оны энэ өдөр Хойд болон Өмнөд Солонгосын усан цэргүүд "Daecheong" арал дээр зэвсэгт мөргөлдөөн үүсгэжээ.
