Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дугаар сарын 09-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 313 дахь өдөр бөгөөд он дуусахад 52 хоног үлдлээ.
- Цаг агаар өдөртөө 3 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 24. Даваа гараг. Их морь одтой, зургаан цагаан мэнгэтэй, улаан луу өдөр. Өдрийн наран 7 цаг 49 минутад мандан, 17 цаг 22 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой.
- Үс шинээр үргээлгэх буюу засуулахад тохиромжгүй хэмээжээ.
- “Найман шарга” валют арилжааны төвд ам.долларын авах ханш 2,851.00 төгрөг, зарах нь 2854.00 төгрөг байна. Харин рублийн авах ханш 36.00, зарах ханш 37.00, юанийн авах ханш 426.00, зарах ханш 427.50, вонийн авах ханш 2.51, зарах ханш 2.53 төгрөг байна.
Өнөөдөр болох онцлох үйл явдлууд:
- 07:00 цагт: Соёлын төв өргөөнд АТГ-ын дэд дарга, эрхэлсэн комиссар, хууль зүйн ухааны доктор Ж.Батсайхан агсныг эцсийн замд нь үдэх ёслол болно.
- 09:00 цагт: Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
- 09:00 цагт: Улсын Их Хурал дахь Ардчилсан намын бүлгийн хуралдаан “Их Эзэн Чингис хаан” танхимд.
- 09:30 цагт: ШУА-ийн нэгдсэн I байранд "Шинжлэх ухааны ажилтны өдөр"-т зориулсан Хэл зохиолын хүрээлэнгийн нээлттэй хаалганы өдөрлөг болно. Утас: 99010248, 93053553
- 11:00 цагт: "COVID-19" халдварын нөхцөл байдлын талаар ЭМЯ-наас ээлжит мэдээлэл хийнэ.
- 11:00 цагт: MN-Мэдээллийн төвд Тархины саажилт, тархины эмгэг өвчтэй хүүхдүүдийн эрх ашгийг хамгаалж, эрүүл мэндийн нөхцөл байдал, оношилгоо, эмчилгээний түвшинг сайжруулах шаардлагатай байгаа талаар “Эрхэм нандин сувд”, "Итгэлийн мод", “Ээлтэй ертөнц” төрийн бус байгууллага болон эцэг эхчүүд нэгдэж хэвлэлийн хурал хийнэ.
- 11:30 цагт: ШУТИС-ийн 8 дугаар байранд "Инженер, технологийн дээд боловсрол" төслийн хүрээнд Япон улсад суралцах 59 оюутанд батламж гардуулах ёслол болно. Утас: 80060832
Энэ өдөр дэлхийн түүхэнд:
- Өнөөдөр Дэлхийн эрх чөлөөний өдөр тохиож байна.
- Мөн өнөөдөр Азербайжан улсын Үндэсний далбааны өдөр тохиож байгаа юм байна.
- 1984 оны энэ өдөр БНСУ-ын алдарт дуучин Seven мэндэлжээ.
- 2012 онд Мьянмарын хойд хэсэгт нэгэн галт тэрэг осолдож, 27 хүн амь насаа алдаж, 80 орчим хүн шархаджээ.
- 2005 онд Иорданд амь золиослогч нар гурван зочид буудалд зэрэг бөмбөг тэсэлснээж болж 60 гаруй хүн амь насаа алджээ.
